अभिनेता रणदीप हुड्डाचा पुन्हा अपघात; यावेळी घोडेस्वारी करताना पडला बेशुद्ध; झालीये गंभीर अवस्था

बॉलिवूड अभिनेता रणदीप हुड्डा संदर्भात धक्कादायक माहिती समोर आली आहे.

अभिनेता रणदीप हुड्डा घोडेस्वारी करत असताना घोड्यावरच बेशुद्ध पडला.

घोडेस्वारी करताना बेशुद्ध झाल्यानं तो घोड्यावरून खाली पडला.

अभिनेत्याच्या पायांना प्रचंड मार लागला असून गंभीर जखमा देखील झाल्या आहेत.

रणदीपला तात्काळ मुंबईतील कोकिलाबेन रुग्णालया दाखल करण्यात आलं आहे. त्याच्यावर उपचार सुरू असून डॉक्टरांनी त्याला पूर्णपणे बेडरेस्ट घेण्यास सांगितलं आहे.

अभिनेता रणदीप हुड्डा हा सध्या आगामी सावरकर या सिनेमाची तयारी करत आहे.

सावरकर सिनेमात रणदीप स्वातंत्र्यवीर सावकरांची प्रमुख भूमिका साकारत आहे. या भूमिकेसाठी तो 22 किलो वजन कमी करत आहे.

वजन कमी करण्यासाठी रणदीप दररोज प्रचंड मेहनत घेत आहे. त्यासाठी घोडेस्वारी देखील करत आहे. मात्र आज घोडेस्वारी करत असताना गंभीर अपघात झाला.

रणदीपचा अशाप्रकारे अपघात होण्याची ही काही पहिली वेळ नाहीये. याआधी सलमान खानच्या राधे सिनेमाच्या शुटींगवेळी तो जखमी झाला होता.

राधे सिनेमातील अँक्शन सीनमुळे त्याच्या गुडघ्याला दुखापत झाली होती. उजव्या पायाच्या गुडघ्याचं ऑपरेशन करावं लागलं होतं.