Rakhi Sawant: प्रेग्नंट होती राखी सावंत, दुर्दैवाने झाला गर्भपात; अभिनेत्रीने केला मोठा खुलासा

गेल्या अनेक दिवसांपासून राखी सावंत आणि आदिल खान दुर्रानी यांच्या लग्नाचा गोंधळ सुरु आहे.

राखीने फोटो शेअर करत आपलं लग्न झाल्याचा खुलासा केला होता. तर आदिल दुर्रानीने याबाबत काहीही बोलण्यास नकार दिला होता.

त्यामुळे या दोघांचं नेमकं काय चाललंय असा प्रश्न निर्माण झाला होता?मात्र आदिलने नुकतंच पोस्ट शेअर करत आपलं लग्न झाल्याची कबुली दिली आहे.

दरम्यान आता राखी सावंतने एक असा खुलासा केला आहे. जो ऐकून सर्वांनाच धक्का बसला आहे.

राखी सावंतने नुकतंच विरल भयानीसोबत बोलताना सांगितलं की ती आई बनणार होती. ती गर्भवती होती.

परंतु दुर्दैवाने तिचा गर्भपात झाल्याचं राखीने म्हटलं आहे. ही बातमी समोर येताच सर्वांना धक्का बसला आहे.

राखीने सांगितलं की, मी माझ्या प्रेग्नेंसीचा खुलासा 'बिग बॉस मराठी'च्या घरात केला होता. परंतु त्यावेळी सर्वांना असं वाटलं की मी नेहमीप्रमाणे मस्करी करत आहे.

राखी सावंतने खुलासा करत सांगितलं होतं की, सात महिन्यांपूर्वी तिने आदिलसोबत लग्न केलं आहे.