Unseen Photos: 'राम तेरी गंगा मैली' नंतर वडिलांबरोबर बिनसलं नातं; राज कपूर यांच्या अंतिम संस्कारालाही नाही गेले राजीव

राज कपूर यांचा सर्वात धाकटा मुलगा आणि दिवंगत ऋषी कपूर यांचा लहान भाऊ सिनेअभिनेता राजीव कपूर यांचं मंगळवारी हृदयविकाराच्या झटक्याने मुंबईत निधन झाल. राम तेरी गंगा मैली या चित्रपटामुळे ते सिनेसृष्टीत नावारूपाला आले होते. त्यांच्याबद्दल या काही खास गोष्टी जाणून घ्या (फोटो साभार- @BombayBasanti/Twitter)

1985 मध्ये राजीव कपूर यांनी अभिनय केलेला 'राम तेरी गंगा मैली ‘हा चित्रपट त्यांचे वडील राज कपूर यांचा शेवटचा निर्मिती असलेला चित्रपट होता. या चित्रपटामुळे ते स्टार तर झाले मात्र हे स्टारडम त्यांना टिकवता नाही आलं . यानंतर मात्र त्याचं करिअर फारस सफल नाही झालं .(फोटो साभार- @_aaishak/Twitter)

राजीव कपूर यांना 'चिम्पू' या टोपणनावानेही ओळखलं जायचं.

राम तेरी गंगा मैली 'चित्रपटानंतर राजीव कपूर आणि राज कपूर या पिता पुत्राच्या जोडीमध्ये कडवटपणा निर्माण झाला होता की त्यांच्यातील संबंध इतके बिघडले होते की राजीव कपूर हे राज कपूर यांच्या अंतिम संस्कारालाही उपस्थित नव्हते . (फोटो साभार- @BombayBasanti/Twitter)

भारतीय पदार्थांमधील खिचडी हा त्यांचा विशेष असा आवडता पदार्थ होता. ,त्याचबरोबर त्यांना सी फूड देखील अतिशय आवडत होतं. (फोटो साभार- @MosesSapir/Twitter)

राजीव कपूर याचं लग्न 2001 मध्ये आरती सबरवाल यांच्याशी झालं होतं. त्या एक आर्किटेक्ट होत्या, मात्र हे लग्न फार काळ नाही टिकू शकलं नाही. 3 वर्षातच म्हणजे 2003 मध्ये त्यांचा घटस्फोट झाला. (फोटो साभार- @BombayBasanti/Twitter)

अभिनेता म्हणून 1990 मध्ये आलेला ‘जिम्मेदार’ हा त्यांचा शेवटचा चित्रपट होता. (फोटो साभार- @BombayBasanti/Twitter)

अभिनेता, दिग्दर्शक, निर्माता अशा विविध क्षेत्रात आपलं नशीब आजमावून बघणारा कपूर कुटुंबातील आणखी एक तारा आज पडद्याआड गेला. याबद्दलची माहिती राजीव कपूर यांच्या वहिनी आणि चित्रपट अभिनेत्री नीतू कपूर यांनी सोशल माध्यमाद्वारे दिली. (फोटो साभार- @@_aaishak/Twitter)