42 वर्षाच्या Prabhas ने अजूनही का केलं नाही लग्न? अभिनेत्याचं उत्तर ऐकून बसेल धक्का

'बाहुबली' फेम साऊथ सुपरस्टार प्रभास सध्या त्याच्या आगामी 'राधे श्याम' या चित्रपटामुळे चर्चेत आहे. कोरोनामुळे त्याची रिलीज डेट पुढे ढकलण्यात आली होती. त्यानंतर नुकतंच चित्रपटाचा दुसरा ट्रेलर रिलीज करण्यात आला आहे.

या ट्रेलर लॉन्च इव्हेंटमध्ये अभिनेत्याने मीडियाशीही संवाद साधला. यामध्ये त्याच्या वैयक्तिक आयुष्याशी निगडीत काही गोष्टींवर खुलासा झाला. यावेळी अभिनेत्याने आपल्या लग्नाबद्दल खुलेपणाने आपलं मत सांगितलं.

या कार्यक्रमात अभिनेत्याला विचारण्यात आले की, 'त्याने कधी आपल्या लग्नाबद्दल भाकित केले आहे का?' यावर प्रभासने उत्तर दिले की, 'अनेकदा माझे प्रेमाबद्दलचे अंदाज चुकले आहेत. त्यामुळे माझं लग्न अजून झालेलं नाही. 'बाहुबली'चं हे मजेशीर उत्तर ऐकून तिथे उपस्थित सर्वजण हसू लागले.

यादरम्यान प्रभासने असेही सांगितले की, 'चित्रपटात तो जरी भविष्यवाणी करत असला तरी खऱ्या आयुष्यात तो अशा गोष्टींवर अजिबात विश्वास ठेवत नाही.' त्याचप्रमाणे या कार्यक्रमात अनेक मजेशीर गोष्टी घडल्या.

प्रभास अभिनेत्री अनुष्का शेट्टीसोबतच्या नात्यामुळे आणि त्यांच्या लग्नाच्या चर्चांमुळे नेहमीच चर्चेत असतो. असं देखील म्हटलं जातं की, अभिनेत्याने तिचं लग्न थांबवलं होतं. दोघांच्या अफेअरच्या अनेक बातम्याही समोर येत असतात.

मीडिया रिपोर्ट्सनुसार, अनुष्का शेट्टी 2015 मध्येच लग्नाच्या बेडीत अडकणार होती. परंतु तिचा एक चांगला मित्र आणि सहकलाकार असणाऱ्या प्रभासने तिला 'बाहुबली' सीरिजवर लक्ष केंद्रित करण्याचा सल्ला दिला. यानंतर अनुष्काने प्रभासचा सल्ला गांभीर्याने घेतला.

'राधे श्याम' सोबतच प्रभास 'सालार' आणि 'आदिपुरुष' या चित्रपटांमध्ये झळकणार आहे. 'आदिपुरुष'मधील अभिनेत्याचा फर्स्ट लुकही रिलीज झाला आहे.