'Pushpa' फेम Rashmika mandanna ने 'या' बॉलिवूड अभिनेत्यांसोबत काम करायला दिला होता नकार, पाहा LIST

नॅशनल क्रश अभिनेत्री रश्मिका मंदना पुष्पाच्या यशानंतर पुन्हा एकदा चर्चेत आली आहे. तिला अनेक मोठ्या चित्रपटांच्या ऑफर मिळत आहेत. या चित्रपटात तिनं साकारलेली 'श्रीवल्ली' ही व्यक्तिरेखा रसिकांच्या मनावर राज्य करत आहे.

या चित्रपटानंतर साऊथच्या दिग्गज दिग्दर्शकांसोबतच बॉलिवूड फिल्म इंडस्ट्रीतील अनेक मोठ्या दिग्दर्शकांचीही ती पहिली पसंती बनली आहे.

पण कदाचित तिच्या चाहत्यांना माहित नसेल की रश्मिकाने बॉलिवूडच्या अनेक सुपरस्टार्ससोबत काम करण्याची ऑफर नाकारली आहे. आम्ही तुम्हाला अशाच स्टार्सबद्दल सांगणार आहोत. ज्यांच्या चित्रपटांमध्ये रश्मिकाने काम करायला नकार दिला होता.

रश्मिका मंदनाने 'किरिक पार्टी' या चित्रपटाद्वारे साऊथ चित्रपटांमध्ये पदार्पण केलं होतं. आणि दक्षिणेतील यशानंतर निर्मात्यांनी त्याचा हिंदी रिमेक बनवण्याचा निर्णय घेतला होता. कार्तिक आर्यनसोबत हिंदी रिमेक साईन करण्यासाठी रश्मिकाला संपर्क करण्यात आला होता पण तिने नकार दिला. ती म्हणाली की मला पुन्हा तिच भूमिका साकारायची नाही.

शाहिद कपूरचा 'जर्सी' हा चित्रपट रिलीज होण्याच्या तयारीत असून यामध्ये तो मृणाल ठाकूरसोबत काम करताना दिसणार आहे. मात्र, या चित्रपटासाठी रश्मिका मंदना ही दिग्दर्शकांची पहिली पसंती होती हे फार कमी लोकांना माहीत असेल पण तिने हा चित्रपट नाकारला होता.

बॉलीवूडमधील दिग्गज दिग्दर्शक संजय लीला भन्साळी यांना अभिनेता रणदीप हुड्डा आणि रश्मिका मंदाना यांच्यासोबत एक सुपरहिट चित्रपट बनवायचा होता. रिपोर्ट्सनुसार, रश्मिका मंदनाने नकार दिल्यानंतर हा प्रकल्प पुढे जाऊ शकला नाही.

रश्मिकाच्या सध्याच्या वर्कफ्रंटबद्दल सांगायचे तर, तिने अमिताभ बच्चन यांच्यासोबत 'गुडबाय'चे शेड्यूल पूर्ण केले आहे. जे सध्या पोस्ट प्रॉडक्शनमध्ये आहे.

याशिवाय तिचं बॉलिवूड डेब्यू 'मिशन मजनू'चं शूटिंगही पूर्ण झालं असून त्यात ती सिद्धार्थ मल्होत्रासोबत दिसणार आहे. यासोबतच ती पुष्पाचा सिक्वेल 'पुष्पा द रुल'चं चित्रीकरणही करत आहे.