Earth थीम ड्रेसमध्ये प्रियांका चोप्राचा जलवा; अभिनेत्रीने Eiffel Tower समोर दिली पोज

अभिनेत्री प्रियांका चोप्रा सध्या एक ग्लोबल स्टार म्हणून ओळखली जाते. अभिनेत्रीने बॉलिवूडसोबतच आंतरराष्ट्रीय पातळीवर आपल्या अभिनयाची चुणूक दाखवली आहे. त्यामुळे प्रियांकाचा चाहतावर्ग मोठा आहे.

प्रियांका चोप्राला सोशल मीडियावरही मोठ्या प्रमाणात पसंत केलं जातं. नुकताच प्रियंकाने आपल्या इन्स्टाग्राम अकाऊंटवर आपले काही फोटो शेअर केले आहेत. प्रियांका बलून फ्रॉकमध्ये एखाद्या सुंदर बाहुलीसारखी दिसत आहे

या फोटोंमध्ये प्रियांकाने एफील टॉवरसमोर पोज दिली आहे. प्रियांकाचे पॅरिसमधील हे फोटो सध्या सोशल मीडियावर मोठ्या प्रमाणात व्हायरल होत आहेत. प्रियांकाचा पती निक जोनसनेसुद्धा या फोटोंवर कमेंट् करत आपलं प्रेम दर्शवलं आहे.

नुकताच शनिवारी पॅरिसमध्ये ग्लोबल सिटीजन लाईव्ह इव्हेंट पार पडला. या इव्हेंटचं होस्टिंग अभिनेत्री प्रियांका चोप्राने केलं. यावेळी ती या ड्रेसमध्ये दिसून आली होती. प्रियांकाने एफिल टॉवरसमोर काढलेल्या फोटोंमध्ये तिचा ड्रेस अर्थ थीमवर आधारित आहे.

प्रियांका चोप्रा सध्या भारतात नसली तरी ती सोशल मीडियावर मोठ्या प्रमाणात सक्रिय असते. सोशल मीडियावरून ती आपल्या चाहत्यांच्या संपर्कात असते. प्रियांकाचे इन्स्टाग्रामवर प्रचंड फॉलोअर्स आहेत. त्यामुळे तिच्या पोस्टला मोठ्या प्रमाणात लाईक्स अणि कमेंट्स मिळत असतात.

प्रियांका चोप्रा लवकरच अभिनेत्री कतरिना कैफ आणि आलिया भट्ट यांच्यासोबत एका रोड ट्रिपवर आधारित चित्रपटात दिसणार आहे. या तिघींना एकत्र पाहण्यासाठी चाहते उत्सुक झाले आहेत.