मालिकेच्या सेटवर सूर जुळले अन् बांधली लग्नगाठ; 2 वर्षांनी हलला पाळणा,आता अभिनेत्याच्या लेकीच्या बारशाचा थाटचं न्यारा

पिंकिंचा विजय असो मालिकेतील अभिनेता विजय आंदळकर नुकताच बाबा झाला आहे.

विजय आणि अभिनेत्री रुपाली झंकार यांनी 21 एप्रिल 2021 मध्ये लग्न केलं. लग्नाची वाईफ वेडिंगची बायको या मालिकेच्या सेटवर दोघांचे सुर जुळले.

विजय आणि रुपाली यांना जानेवारी 2023मध्ये कन्यारत्न प्राप्त झालं आहे. दोघे सध्या पॅरेंटहुड एन्जॉय करत आहेत.

‘बाप झालो, लक्ष्मी घरी आली रे!’ असं म्हणत अभिनेता विजयनं ही खुशखबर चाहत्यांना दिली होती.

अभिनेत्याची लेक आता दोन महिन्यांची झाली आहे. नुकतंच तिचं बारसं करत दोघांनी लेकीचं छान नाव देखील ठेवलं आहे.

रुपाली आणि विजयच्या लेकीचा बारसा मोठ्या धुमधडाक्यात पार पडला. दोघांनी फोटो शेअर करत लेकीचं नाव सांगितलं आहे.

दोघांनी लेकीचं नाव मायरा असं ठेवलं आहे. मायरा हे नाव सध्या मुलींच्या नावांच्या यादीत ट्रेडिंग आहे. मायरा नावाचा अर्थ प्रिय, उदार, सक्षम, प्रशंसनीय असा आहे.

अभिनेता विजय सध्या पिंकिंचा विजय असो मालिकेत काम करतोय. तर रुपालीनं कामातून ब्रेक घेतला असून मुलीचा सांभाळ करत आहे.