Loveyatri फेम अभिनेत्री वरिना हुसेनला अफगाणी असल्याने केलं होतं ट्रोल; सौंदर्याने जिंकली होती चाहत्यांची मनं

कॅडबरीच्या जाहीरातीने प्रसिद्धीझोतात आलेली अभिनेत्री वरिना हुसेन आता एक लोकप्रिय अभिनेत्री आहे. लवयात्री या चित्रपटातून तिने बॉलिवूडमध्ये पदार्पण केलं होतं. पण अफगाणीस्तानी असल्याने तिला मोठ्या समस्यांना तोंड द्यावं लागलं होतं.

वरीनाची आई अफगाणी आहे तर वडिल इराकी आहे. दरम्यान वरिनाचं बालपण आणि शिक्षण हे अमेरिकेत झालं होतं. सुरूवातीला तिला निर्माते काम देण्यासाठी नकार देत असत.

लव्हयात्री प्रदर्शित झाल्यानंतर वरिनाने सांगितलं होतं की, ती जेव्हा भारतात आली व चित्रपटांत काम शोधू लागली तेव्हा तिला फार संकटाचा सामना करावा लागला होता. आतंकी देशातील मुलगी म्हणून तिला हिनवलं जायचं असंही तिने म्हटंल होतं.

आपल्या आईकडून आणि आजीकडून आपण जुन्या अफगाणीस्थान विषयी अनेक स्टोरी ऐकल्या असल्यांचही तिने म्हटलं होतं.

वरीनाने सांगितलं की, अफगाणीस्थानचे लोक बॉलिवू़ड चित्रपट फार पाहातात व पसंत करतात.

वरिनाने सलमान खान प्रोडक्शनच्या लव्हयात्रीतून आयुष शर्मासोबत पदार्पण केलं होतं. त्यानंतर ती दबंग ३ च्या एका आयटम साँगमध्ये दिसली होती.

वरिनाने न्यूयॉर्कमधून फिल्म अकॅडमीतून शिक्षण घेतलं होतं. अनेक जाहीरातीत तिने मॉडेलिंग ही केलं. तिच्या सौंदर्याने तिने अनेकांची मनं जिंकली होती.

त्यानंतर वरिना जास्त चित्रपटांत दिसली नाही.

वरिना तिच्या सौंदर्यासाठी फारच प्रसिद्ध आहे.

काही महिन्यांपूर्वी तिने तिचे सोशल मीडिया अकाउंट्स बंद केले होते.

वरिना हुसैन लवकरच ‘द इंनकम्प्लीट मॅन’मध्ये दिसणार आहे. याशिवाय एका साउथ चित्रपटातही दिसणार आहे.