‘फास्ट अँड द फ्युरियस’मधील गाड्यांचा लिलाव; अभिनेत्याच्या स्पर्शामुळं 4 कोटींना विकली

फास्ट अँड द फ्युरियस ही आजवरच्या सर्वाधिक लोकप्रिय चित्रपट मालिकांपैकी एक आहे. धमाकेदार अॅक्शन आणि गाड्यांवर केल्या जाणाऱ्या स्टंट्सच्या माध्यमातून हा फ्रेंचाईजीनं प्रेक्षकांच्या मनात स्वत:ची अशी एक वेगळी जागा निर्माण केली आहे.

ही फ्रेंचाईजी हिट होण्यामागे अभिनेता पॉल वॉकर याचा सिंहाचा वाटा आहे. क्यूट लूक आणि जबरदस्त अभिनय शैलीच्या जोरावर त्यानं या फ्रेंचाईजीला लोकप्रिय केलं.

दरम्यान फास्ट अँड द फ्युरियसमध्ये वापरल्या गेलेल्या गाड्यांचा नुकताच लिलाव करण्यात आला. यामध्ये पॉल वॉकरनं स्टंट मारण्यासाठी वापरलेली टोयोटा सुप्रा कार तब्बल चार कोटी रुपयांना विकली गेली.

1994 साली टोयोटा कंपनीनं या कारची निर्मिती केली होती. 2003 साली फास्ट अँड द फ्युरियस या चित्रपटात स्टंट मारण्यासाठी या कारचा वापर करण्यात आला. या कारवर केलेले स्टंट तुफान गाजले होते.

2013 साली पॉल वॉकरचा एका कार अपघातात मृत्यू झाला होता. मृत्यूपुर्वी त्यानं ही कार चालवली होती. परिणामी पॉल वॉकरच्या शेवटच्या स्पर्शामुळं या कारची किंमत चार कोटी रुपयांपर्यंत गेली. ही कार खरेदी करणारा देखील पॉल वॉकरचा खूप मोठा फॅन आहे. त्याच्या आठवणीत त्यानं ही कार खरेदी केली.