नितू-ऋषी कपूरचे अमेरिकेतले Photos व्हायरल

अमेरिकेत सध्या ऋषी कपूर आजारावर उपचार करतायत. नितू कपूरही त्यांच्या सोबत आहे. नुकतेच त्यांचे काही फोटोज सोशल मीडियावर व्हायरल झालेत.

कपूर कुटुंबानं लंडनला एक अपार्टमेंट भाड्यानं घेतलंय. त्यात ते राहतायत आणि ऋषी कपूर यांच्यावर उपचार सुरू आहेत.

ऋषी कपूर यांची काळजी नितू कपूर घेतायत. उपचारासोबत ते तिथे राहून आयुष्य एंजाॅयही करतायत.

त्यांचे फ्रेंड्स, नातलग त्यांची भेट घेतायत. मग सगळे मिळून एकच धमाल करतायत.

ऋषी कपूर कशावर उपचार घेतायत, हे अजून कळलं नाहीय. याबद्दल कुणीच काही बोलत नाही.

मध्यंतरी आलिया भट्ट न्यूयाॅर्कला पोचली . तिचे कपूर कुटुंबाबरोबरचे फोटोजही व्हायरल झाले होते. नितू कपूर आणि आलियामध्ये एक वेगळे बंध तयार झाल्याचं त्यांच्या बाॅडी लँग्वेजवरून दिसतं.

काही दिवसांपूर्वी नितू कपूरनं ऋषी कपूर आणि रणबीरचा एक फोटो शेअर केलाय. त्यात ऋषी कपूर आणि रणबीर पाठमोरे आहेत. वडिलांनी मुलाच्या खांद्यावर हात ठेवलाय. त्यावर त्यांनी असं लिहिलंय, भूमिका बदलल्या.

नितू कपूर सोशल मीडियावर अॅक्टिव्ह आहेत. त्या नेहमीच फोटोज शेअर करत असतात.

कपूर कुटुंबाला असं एकत्र एंजाॅय करताना पाहून फॅन्सना छान वाटतं.