'दयाबेन' आहे कोट्यवधींची मालकीण, 'तारक मेहता...'साठीची फी ऐकून तुम्हीही म्हणाल-हे माँ माता जी..

दिवाळी (Diwali 2021) हा सण दिव्यांचा-प्रकाशाचा. या सणादरम्यान वैभव, संपत्ती या बाबींनाही तेवढेच महत्त्व आहे. दिवाळीच्या या सणादरम्यान जाणून घेऊया 'तारक मेहता का उल्टा चश्मा (Taarak Mehta Ka Ooltah Chashmah)' फेम दयाबेन उर्फ दिशा वकानी (Disha Vakani) हिच्याकडे किती संपत्ती आहे. या अभिनेत्रीची संपत्ती वाचून तुम्ही देखील म्हणाल- हे माँ माता जी..

'तारक मेहता का उल्टा चश्मा (Taarak Mehta Ka Ooltah Chashmah)' ची दयाबेन बऱ्याच काळापासून शोमध्ये नाही आहे. पण आपल्या व्यक्तिरेखेने दिशाने लोकांच्या मनात अशी प्रतिमा निर्माण केली की तिचे प्रत्येक संवाद आजही चाहत्यांना आठवतात.

दयाबेन ही करोडोंची मालकीण आहे. तिची एकूण संपत्ती जाणून तुम्हालाही आश्चर्य वाटेल.

बॉलिवूड लाईफमधील एका रिपोर्टनुसार, 'तारक मेहता का उल्टा चश्मा'च्या एका एपिसोडसाठी दयाबेनला एक ते दीड लाख रुपये मानधन देण्यात आले होते. यामुळे 2017 मध्ये तिला दर महिन्याला 20 लाख रुपये मिळत होते.

दयाबेनची एकूण संपत्ती 37 कोटी रुपये आहे. याशिवाय तिच्याकडे बीएमडब्ल्यू कारही आहे.

टीव्ही प्रेक्षकांमध्ये दिशाच्या वाढत्या लोकप्रियतेच्या पार्श्वभूमीवर तिला अनेक टीव्हीसी आणि ब्रँड्सही मिळत होते.

दिशाने नाट्यकलेचे शिक्षण घेतले आहे. तिने 2015 मध्ये मयूर पहाडी यांच्याशी लग्न केले. नोव्हेंबर 2017 मध्ये तिने एका मुलीला जन्म दिला. त्यानंतरच दिशाने शोमध्ये काम करणे बंद केले होते.

दिशा वकानीने अनेक टीव्ही शो आणि चित्रपटांमध्ये काम केले आहे. ती 'देवदास', 'मंगल पांडे: द रायझिंग', 'जोधा अकबर', 'सी कंपनी', 'लव्ह स्टोरी 2050' मध्येही दिसली आहे.