घटस्फोटाबाबत नवाजुद्दीन सिद्दीकीने सोडलं मौन; मुलीच्या आठवणीने झाला व्याकूळ

अभिनेता नवाजुद्दीन सिद्दीकी (Navazuddin Siddiqui)चा आपल्या पत्नीशी घटस्फोट होणार आहे. नवाजुद्दीन आणि आलियामध्ये प्रचंड वाद झाले. त्या दोघांनी एकमेंकांवर बरेच आरोपही केले होते. लवकरच हा अभिनेता आपल्या पत्नीपासून वेगळा होणार आहे. त्याला शोरा आणि यानी अशी दोन मुलंही आहेत.

एका मुलाखतीदरम्यान नवाजुद्दीन म्हणाला, “माझ्या पत्नीने माझं नाव बदनाम करण्यासाठी हे सगळे आरोप केले आहेत. मी माझ्या खासगी आयुष्याबद्दल फारसं की बोलू इच्छित नाही पण मी माझ्या मुलीवर अतिशय प्रेम करतो. मी जबाबदार वडील आहे. आणि वडील म्हणून मी माझं कर्तव्य पूर्ण करणारच”

नवाजच्या पत्नीने अर्थात आलियाने 6 मे रोजी घटस्फोटासाठी कोर्टात केस फाईल केली. त्यावर नवाजुद्दीनने 15 मे रोजी त्यावर उत्तर दिलं. नवाजुद्दीनच्या वकिलांनी त्याच्या पत्नीवर आरोप केला आहे की, “मीडियामध्ये माझ्या आशिलाचं नाव खराब व्हावं यासाठी आलिया प्रयत्न करत आहे”

आलियाने एका मुलाखतीमध्ये नवाजुद्दीनवर गंभीर आरोप केले होते. आलिया म्हणाली होती, “मी माझ्या पहिल्या मुलाच्या वेळी गरोदर असताना नवाजुद्दीन सिद्धीकीचे दुसऱ्या बायकांशी संबंध होते. तसंच लग्नाच्या आधी जेव्हा आम्ही रिलेशनशीपमध्ये होतो तेव्हाही तो इतर स्त्रियांच्या संपर्कात होता.”

पर्सनल आयुष्यात वादात अडकलेला हा अभिनेता आपल्या करिअरमध्ये मात्र चांगलं नाव कमवत आहे. त्याच्या सेक्रेड गेम्स या वेब सीरिजला संपूर्ण देशभरातून उदंड प्रतिसाद मिळाला होता.