Saniya Mistri : हिजाब घालून रॅप करणारी मुंबईची Gully Girl, पाहा Photos

हिजाब घालून रॅप करणारी एक मुलगी सध्या चांगलीच चर्चेत आहे. सानिया मिस्त्री असं या मुंबईकर मुलीचं नाव असून ती फक्त 16 वर्षांची आहे.

मुंबईतल्या गोवंडी शिवाजीनगर भागातील झोडपट्टीमध्ये सानिया राहते. तिचे वडील रिक्षाचालक आहेत. तर तिची आई घराला हातभार लावण्यासाठी लहान-मोठी काम करते.

सध्या 12 वीत असलेल्या सानियाच्या घरची परिस्थिती हालाखीची आहे. या प्रकारचं रॅप साँग रेकॉर्ड करण्यासाठी सुरूवातीला तिच्याकडं मोबाईल देखील नव्हता.

सानियानं मित्र-मैत्रीणींची मदत घेऊन रॅप रेकॉर्ड केलं. आज तिच्या रॅप साँगचे लाखो फॅन्स आहेत.

सानिया लहानपणापासूच कवियत्री आहे. तिला मित्र-मैत्रिणींकडून रॅपबद्दल माहिती मिळाली. त्यानंतर तिनं रॅप लिहिण्यास सुरूवात केली.

सानियाच्या घरी रॅपबद्दल फारशी माहिती नव्हती. पण व्हिडीओ पब्लिश झाल्यावर आईनं नेहमीच पाठिंबा दिला. आता लोकांचाही तिच्याकडं पाहण्याचा दृष्टिकोन बदलल्याचं सानिया सांगते.