'तब्बल 15 दिवस उपाशीपोटी राहिलो'; मिर्झापूरच्या दद्धा त्यागींचा अभिनयासाठी मोठा संघर्ष

मिर्झापूर (Mirzapur) वेबमालिकेतून प्रसिद्धीस आलेले लिलिपुट म्हणजेच मालिकेतील दद्धा त्यागी यांचा संघर्ष कोणत्या चित्रपटापेक्षा कमी नव्हता. तर एकदा त्यांना १५ दिवस उपाशी लहावं लागलं होत.

लिलिपुट यांच आज लेखक तसेच अभिनेता म्हणून नाव आहे. पण त्यासाठी त्यांना कठीण संघर्ष करावा लागला होता. ते बिहारच्या गया या ठिकाणाहून 1975 मध्ये मुंबईत आले होते.

आर्थिक अडचनीवर बोलताना लिलिपुट म्हणाले, 'माझ्याविषयी अफवा उठली होती की गरीबीमुळे मी मुलिच्या घरी राहत आहे. पण तस काही नाही मी माझं घर तिला दिलं आहे. लेखण आणि अभिनयातून फार नाही पण घर चालेल इतके पैसे नक्कीच मिळतात. काही दिवसांपूर्वीच मी एक साउथ चित्रपट केला आहे तसेच मिर्झापूर 3 ची देखिल तयारी सुरू आहे. त्यामुळे घर चालेल इतके पैसे तर आहेत. आणि त्यापेक्षा जास्त नको देखिल आहेत. मी माझ्या पत्नीसोबत इथे राहतो.'

संघर्षाविषयी बोलताना ते म्हणाले, बिहारच्या गयामधून 1975 ला केवळ 130 रुपये घेऊन मुंबईत आलो होतो. त्यानंतर 1982 पर्यंत हा प्रवास फार कठीण होता.

त्या काळात काम मिळत नसल्याने तब्बल 15 दिवस खाण्यासाठी काहीच अन्न घरात नसल्याचं ते म्हटले. त्यानंतर एका मित्राने घरी जेवायला बोलवलं तेव्हा ते बेशुद्ध पडले होते.

मुंबईच्या खार इथे ते अनेक मुलांसोबत एकत्र रहायचे. काम मिळत नसल्याने त्यांनी रंग देणे, लाकडं कापणे अशी सर्वप्रकारची कामंही केली होती.

लिलिपुट यांनी अनेक चित्रपटांत आजवर काम केलं आहे. तर त्यांनी सुरुवातीला अनेक नाटकांतही काम केलं होतं. त्यावेळी गुलझार यांनी लिलिपुट यांच्या कामाचं कौतुक केलं होत.