राणा-अंजली पुन्हा एकत्र! PHOTO पाहून वाढली चाहत्यांची धकधक

मराठी मालिका 'तुझ्यात जीव रंगला'मधून राणा आणि अंजलीची जोडी प्रचंड लोकप्रिय झाली होती.

साधाभोळा ग्रामीण राणा आणि हुशार समजूतदार शहरी अंजली या दोघांची जबरदस्त केमिस्ट्री चाहत्यांना भुरळ पाडून गेली होती. चाहत्यांनी या जोडीला अक्षरशः डोक्यावर घेतलं होतं.

मात्र काही महिन्यांपूर्वी या मालिकेने आपला निरोप घेतला आहे. मालिका बंद झाल्यामुळे चाहते खूपच दुखी झाले होते. मालिका बंद झाल्यानंतरही या जोडीची क्रेझ कायम आहे.

नुकताच अक्षया देवधर आणि हार्दिक जोशी म्हणजेच आपल्या राणा आणि अंजलीने आपल्या इन्स्टाग्रामवर काही फोटो शेयर केले आहेत. यामध्ये दोघेही पुन्हा एकत्र आल्याचं दिसत आहे.

अंजली आणि राणा एका फोटोशूटच्या निमित्ताने एकत्र आले होते. यामध्ये दोघांनी पारंपारिक आणि वेस्टर्न कॉम्बो लुक केला होता.

दोघांना पुन्हा एकत्र पाहून चाहते जाम खुश झाले आहेत. या फोटोंवर भरभरून लाईक्स आणि कमेंट्स करत आहेत.

तुझ्यात जीव रंगला या मालिकेने चाहत्यांना चांगलीचं भुरळ घातली होती. या मालिकेतील वाहिनीसाहेब, गोदा आक्का ते बरकत अशा सर्वचं भूमिका चाहत्यांच्या मनात घर करून आहेत.