कारभारी लयभारी फेम अभिनेत्री अडकली विवाहबंधनात, लग्नात पाहायला मिळाला शाही थाट!

मराठी सेलिब्रिटी विश्वात लग्नसोहळ्याचे वारे वाहू लागले आहेत. गेल्या काही दिवसांपासून टीव्ही मालिका क्षेत्रातील कलाकारांची लगीनघाई सुरू झालेली पाहायला मिळाली.

काही दिवसांपूर्वी अभिनेता संकेत पाठक आणि अभिनेत्री सुपर्णा श्याम ह्यांनी लग्नगाठ बांधली.

अशातच आता प्रसिद्ध अभिनेत्री रश्मी पाटील हिने देखील आपल्या आयुष्यातील खऱ्या जोडीदाराची निवड केलेली आहे.

रश्मी पाटील ही मराठी मालिका अभिनेत्री तसेच मॉडेल आहे. झी मराठीवरील कारभारी लयभरी या मालिकेत तिने शोना मॅडमची भूमिका साकारली होती.

21 एप्रिल 2023 रोजी पुण्यातील महाराजा रेस्टोरंट मध्ये रश्मी पाटीलने अक्षय सोबत मोठ्या थाटात साखरपुडा केला होता.

त्यानंतर आता 21 मे रोजी हे दोघेही विवाहबद्ध अडकले आहेत.

रश्मीने तिच्या शाही लग्नाचे फोटो सोशल मीडियावर शेअर केले आहेत. चाहत्यांकडून तिच्यावर शुभेच्छांचा वर्षाव होत आहे.

यापूर्वी रश्मीने मेहेंदी सोहळा साजरा केला त्यानंतर हळदीचा सोहळा पार पडला.

रश्मीबद्दल सांगायचं झालं तर ती मूळची सांगलीची असून वाडिया कॉलेजमधून तीने आर्ट्समधून पदवीचे शिक्षण घेतले आहे. यासोबतच ती एक इंटेरिअर डिझायनर देखील आहे.

रश्मीला लहानपणापासूनच नृत्याची विशेष आवड होती. कथ्थक, साल्सा, बेलीडान्स, भरतनाट्यम, लॅटिन अशा विविध फॉर्म मधून नृत्याचे धडे गिरवले आहेत.

रश्मी पाटील आणि अक्षयच्या या नवीन प्रवासासाठी चाहते त्यांना भरभरून शुभेच्छा देत आहेत. (फोटो साभार- रश्मी पाटील इन्स्टाग्राम)