एलिझाबेथ पूजा सावंतला पछाडणार? पाहा अभिनेत्रीचा थरारक अंदाज

महाराष्ट्राची कलागुणसंपन्न अभिनेत्री म्हणून पूजा सावंत हिला ओळखलं जातं. पूजा सतत नवनवीन प्रयोग प्रेक्षकांच्या भेटीला घेऊन येतं असते. आत्ता पुन्हा एकदा पूजा आपल्या नव्या चित्रपटातून प्रेक्षकांचं मनोरंजन करण्यासाठी सज्ज झाली आहे.

पूजा आपल्या आगामी 'बळी' या मराठी चित्रपटात झळकणार आहे. नुकताच या चित्रपटाचे पोस्टर प्रदर्शित करण्यात आले आहेत. त्यावरून पूजा या चित्रपटात एका डॉक्टरची भूमिका साकारत असल्याचं स्पष्ट होतंय.

जीसिम्सच्या अर्जुन सिंग बरान आणि कार्तिक निशाणदार यांनी या चित्रपटाची निर्मिती केली आहे.

विशाल फुरीयान यांनी या चित्रपटाचं दिग्दर्शन केलं आहे. विशालसोबत पूजाचा हा दुसरा चित्रपट आहे. याआधी तिनं विशालसोबत 'लपाछपी' या भयपटात काम केलं आहे.

या चित्रपटाचं खास वैशिष्ट्य म्हणजे यात पूजासोबत मुख्य भूमिकेत अभिनेता स्वप्नील जोशी हा असणार आहे. या चित्रपटाच्या माध्यमातून पूजा पहिल्यांदाच स्वप्नीलसोबत अभिनय करताना दिसून येणार आहे.

याबद्दल बोलताना पूजानं म्हटलं आहे. स्वप्नील हा एक प्रतिभावंत कलाकार आहे. खूप दिवसांपासून त्याच्यासोबत काम करायची इच्छा होती. आणि आत्ता ती 'बळी'च्या माध्यमातून पूर्ण होतं आहे.

दिग्दर्शकासोबत काम करायला मिळत आहे. जो कलाकारांतील 100 टक्के गुणांचा वापर करून घेतो. आणि दुसरी गोष्ट म्हणजे यामध्ये मला एका आत्मविश्वासी अशा डॉक्टरची महत्वाची भूमिका साकारायला मिळाली आहे.

त्याचबरोबर पूजा म्हणते मला सुरुवातीला भयपट पहायची मोठी भीती वाटत होती. मी दारे-खिडकी बंद करून चित्रपट पाहात असे. मात्र 'लपाछपी'नंतर माझी ही भीती मोठ्या प्रमाणात कमी झाली आहे.

चित्रपटाचं पोस्टर प्रदर्शित झाल्यापसून प्रेक्षकांना चित्रपटाच्या कथेबद्दल मोठी उत्कंठा लागून राहिली आहे.

सर्वांनाच आतुरता लागून राहिलेला 'बळी' चित्रपट येत्या 16 एप्रिलला प्रदर्शित होणार आहे. यानिमित्ताने प्रथमच पूजा सावंत आणि स्वप्नील जोशी ही नवी जोडीला आपल्यला दिसणार आहे.

सर्वांना आतुरता लागून राहिलेला 'बळी' हा चित्रपट येत्या 16 एप्रिलला प्रदर्शित होणार आहे. यानिमित्ताने प्रथमच पूजा सावंत आणि स्वप्नील जोशी ही नवी जोडी पाहायला मिळणार आहे.