जेव्हा पुष्पवल्ली-दीपा भेटतात! अभिज्ञा भावे-रेश्मा शिंदेचे हटके PHOTO आले समोर

मराठी मनोरंजन सृष्टीमध्ये अनेक अभिनेत्री एकमेकींच्या घट्ट मैत्रिणी आहेत. त्या सतत सोबत वेळ घालवताना दिसून येतात.

यातीलच एक जोडी म्हणजे अभिनेत्री अभिज्ञा भावे आणि रेश्मा शिंदे होय.

या दोघीनीं काही वर्षांपूर्वी 'लगोरी' या मालिकेत एकत्र काम केलं होतं. यामध्येसुद्धा त्या एकमेकींच्या घट्ट मैत्रिणी होत्या.

अभिज्ञाने नुकतंच आपल्या पती आणि रेश्मासोबतचे काही फोटो शेअर केले आहेत.

या फोटोंमध्ये हे तिघेही एकदम चिल अंदाजात दिसून येत आहेत. या दोघी सतत सोशल मीडियावरुन एकमेकांवर प्रेम व्यक्त करत असतात.

रेश्मा आणि अभिज्ञा दोघीही सोशल मीडियावर प्रचंड सक्रिय असतात. त्या सतत आपले व्हिडीओ आणि फोटो शेअर करत असतात.

सध्या रेश्मा 'रंग माझा वेगळा' या लोकप्रिय मालिकेत दीपाच्या भूमिकेत दिसत आहे. तर अभिज्ञा स्वप्नील जोशी आणि शिल्पा तुळसकरसोबत 'तू तेव्हा तशी'मध्ये वल्लीच्या भूमिकेत दिसत आहे.