डिनर डेटनंतर हातात-हात घालून रेस्टॉरंटमधून बाहेर पडताना दिसले मलायका-अर्जुन; फोटो झाले VIRAL

बॉलिवूड अभिनेता अर्जुन कपूर आणि अभिनेत्री मलायका अरोरा नुकताच सोबत दिसून आले. या दोघांना गेल्या रात्री मुंबईतील एका रेस्टोरंटमधून बाहेर पडताना पाहण्यात आलं. या दोघांनी एकमेकांच्या हातात हात दिलेला होता. सध्या सोशल मीडियावर हे फोटो वाऱ्यासारखे व्हायरल होत आहेत.

नुकताच अभिनेत्री मलायका अरोरा आणि अभिनेता अर्जुन कपूर हे बहुचर्चित कपल मुंबईच्या एका रेस्टोरंटमधून बाहेर पडताना कॅमेरात कैद झाले आहेत. हे दोघेही आपल्या डिनर देत साठी येथे पोहोचले होते. दोघेही कॅमेरापासून स्वतःचा बचाव करण्याचा प्रयत्न करत होते

या डिनर डेटसाठी मलायकाने व्हाईट रंगाचा शर्ट आणि खाली शॉर्ट डेनिम जीन्स घातली होती. या लुकमध्ये मलायका नेहमीसारखीच कुल दिसत होती. तर अर्जुन कपूरने काळया रंगाचा टी शर्ट आणि निळ्या रंगाची जीन्स घातली होती. हे दोघेही खूपच डॅशिंग वाटत होते.विरल भयानीने हे फोटो सोशल मीडियावर शेअर केले आहेत.

मलायका आणि अर्जुन हे कपल नेहमीच चर्चेत असतं. चाहत्यांना या दोघांबद्दल जाणून घ्यायची फार उत्सुकता असते. सुरुवातीला या दोघांनी आपलं नातं सर्वांपासून लपवण्याचा प्रयत्न केला होता. मात्र सध्या हे दोघे बिनधास्त सोबत वेळ घालवताना दिसून येतात.

मलायका आणि अर्जुन यांच्यामध्ये वयाचं अंतर आहे. अर्जुनपेक्षा मलायका काही वर्षांनी मोठी आहे. मात्र हे वय यांच्या नात्यामध्ये कधीच अडचण ठरलं नाही. पण सोशल मीडियावर हे कपल मोठ्या प्रमाणात ट्रोल होत असतं.

मलायकाने अरबाज खानसोबत लग्न केलं होतं. मात्र अनेक वर्षांच्या संसारानंतर या दोघांचा घटस्फोट झाला आहे. या दोघांना एक मुलगादेखील आहे. मात्र सध्या मलायका अर्जुन कपूरसोबत रिलेशनशिपमध्ये आहे.