'फूल माँगूँ ना बहार माँगूँ' धकधक गर्लचा शायराना अंदाज; नव्या फोटोंनी चाहत्यांना केलं क्लीन बोल्ड

आपल्या डान्स आणि अभिनयाने सर्वांना वेड लावणारी माधुरी दीक्षित (Madhuri Dixit) वयाच्या पन्नाशीतसुद्धा तितकीच उत्साही आणि सक्रीय दिसून येते. माधुरी सोशल मीडियावर प्रचंड सक्रीय असते.

माधुरी सतत आपल्या सोशल मीडियावर आपले फोटो आणि व्हिडीओ शेअर करून चाहत्यांच्या संपर्कात असते. तिच्या प्रत्येक फोटोला आणि व्हिडीओला चाहत्यांकडून भरभरून दाद मिळत असते, आजही माधुरी लाखो लोकांच्या मनावर राज्य करते.

नुकताच माधुरीने आपल्या इन्स्टाग्राम अकाऊंटवर आपले काही फोटो शेअर केले आहेत. या फोटोमध्ये माधुरी सुंदर अशा निळ्या रंगाच्या साडीमध्ये दिसणं येत आहे. या साडीमध्ये माधुरी खूपच सुंदर दिसत आहे.

या फोटोंनी तर चाहत्यांचं लक्ष वेधलंच आहे, शिवाय फोटोच्या कॅप्शनने सुद्धा चाहत्यांना भुरळ पाडली आहे. यामध्ये माधुरीचा अगदी शायराना अंदाज दिसून येत आहे. माधुरीने फोटोला कॅप्शन देत 'फुल मांगू ना बहार मांगू, मी तो सनम तेरा प्यार मांगू' असं म्हटलं आहे.

बॉलिवूडची धकधक गर्ल म्हणून अभिनेत्री माधुरी दीक्षितला ओळखलं जातं. इतकी वर्ष आपल्या अदाकारीने माधुरीने सर्वांनाचं घायाळ केलं आहे. माधुरीने अनेक दमदार भूमिका साकारत आपलं विशेष स्थान निर्माण केलं आहे. माधुरीच्या स्माईलचे आजही लाखो लोक वेडे आहेत. बॉलिवूडमध्ये राज्य करणारी ही अभिनेत्री अस्सल महाराष्ट्रीयन आहे. माधुरी जरी हिंदी चित्रपटसृष्टीत काम करत असली, तरी ती एक मराठमोळी मुलगी आहे.

माधुरी सध्या डान्स दिवाने ३ मध्ये परीक्षक म्हणून काम करत आहे. यामध्ये सुद्धा ती अतिशय उत्साही दिसून येते. शोमधील स्पर्धकांनापासून ते येणाऱ्या पाहुण्यांपर्यंत सर्वानाच माधुरीसोबत डान्स करण्याचा मोह होतो.