Good News दिल्यानंतर करीनाने शेअर केला आपला पहिला PHOTO; पाहा किती सुंदर दिसतेय बेबो

गेले कित्येक दिवस बॉलिवूडमध्ये करीना पुन्हा आई होणार असल्याची (Second baby) चर्चा सुरू होती. सैफ आणि करीनाने आता नव्या पाहुण्याच्या आगमानाची चाहूल असल्याचं 2 दिवसांपूर्वीच अधिकृतपणे जाहीर केलं. त्यानंतर या दाम्पत्यावर शुभेच्छांचा वर्षाव झाला.

सैफ अली खान आणि करिना यांचा मुलगा तैमूर अली खान याच्या जन्मानंतर काही दिवस करिनाने चित्रपटसृष्टीतून ब्रेक घेतला होता. त्यानंतर तिचं धडाक्यात पुनरागमनही झालं. आपण पुन्हा एकदा तिने आई व्हायचा निर्णय घेऊ शकतो, असं ती काही मुलाखतींमधून सांगत होती. आता सैफ आणि करीनाने दुसऱ्यांदा ती गोड बातमी शेअर केली आहे.

गूड न्यूज दिल्यानंतर दुसऱ्याच दिवशी करीनाने आपला पहिला फोटो शेअर केला. ज्यामध्ये ती खूपच सुंदर दिसते आहे. 'एक आणखी दिवस, एक आणखी शूट आणि माझा एक फेव्हरेट सेल्फी', असं कॅप्शन याला दिलं आहे.

करीनाच्या मेकअप आर्टिस्टनेही आपल्या सोशल मीडियावर फोटो टाकला आहे. पुन्हा काम सुरू केल्याचं तिनं म्हटलं आहे. यामध्ये करीना खूप आनंदी दिसते आहे. तिनं पांढऱ्या रंगाचा सलवार सूट घातला आहे आणि तिच्या चेहऱ्यावर प्रेग्नन्सी ग्लोदेखील दिसून येतो आहे.

याआधी करीनाने फिल्मफेअर मॅगझिनसाठी फोटोशूट केलं, ज्यामध्ये तिचा हॉट अंदाज पाहायला मिळाला. (फोटो सौजन्य- फिल्मफेअर)

दरम्यान पहिल्या प्रेग्नन्सीवेळी करीना खूप अॅक्टिव्ह होती आणि आता दुसऱ्या प्रेग्नन्सीवेळीदेखील ती अशीच अॅक्टिव्ह राहणार असल्याचं दिसतं आहे. करीना सध्या घरातच शूटिंग करत आहे. (फोटो सौजन्य- फिल्मफेअर)

करीना कपूर खानची बॉलिवूडमधील 20 वर्ष सेलिब्रेट करण्यासाठी हे फोटोशूट करण्यात आले होते. ज्यामध्ये ती अत्यंत स्टनिंग लुकमध्ये दिसत आहे. (फोटो सौजन्य- फिल्मफेअर)

करीनाने हे फोटो तिच्या घरातच काढले असून विशेष बाब म्हणजे चक्क सैफ अली खानने हे फोटो काढले आहेत. फिल्मफेअरच्या लेटेस्ट इश्यूसाठी हे फोटोशूट करण्यात आले आहे. (फोटो सौजन्य- फिल्मफेअर).

करीनाचा आगामी चित्रपट लाल सिंग चड्डा आहे. जी 2021 मध्ये रिलीज होणार आहे. तर याआधी ती गूड न्यूज आणि अंग्रेजी मीडियम फिल्ममध्ये दिसून आली. पुढे ती फिल्ममध्ये किती सक्रिय राहिल माहिती नाही मात्र सध्या सोशल मीडियावर ती खूप सक्रिय आहे आणि तिचं होम शूटिंग सुरूच आहे.  (फोटो सौजन्य- फिल्मफेअर).