कपूर कुटुंबीयांचा जलवा लंडनमध्येही; पाहा रणबीर-करीनाच्या बहिणीचे ग्लॅमरस फोटो

कपूर कुटुंब गेल्या सात दशकांहून अधिक काळ बॉलिवूडमध्ये कार्यरत आहे. या कुटुंबातील कलाकारांनी बॉलिवूडसाठी महत्वाचं योगदान दिलं आहे.

परंतु तुम्हाला वाचून आश्चर्य वाटेल कपूर कुटुंबाची जादू केवळ केवळ बॉलिवूडपूरतीच मर्यादित नाही. तर आता हॉलिवूड सिनेसृष्टीतही कपूर पाहायला मिळत आहे.

आलिया कपूर हे त्यामधील सध्याचं आघाडिचं नाव आहे. लंडनमध्ये राहणारी ही अभिनेत्री सध्या आपल्या ग्लॅमरस फोटोंमधून भारतीयाचं लक्ष वेधून घेत आहे.

आलिया ही दिवंग अभिनेते शशी कपूर यांची नात आहे.

शशी कपूर यांनी जेनिफर केंडल या ब्रिटीश अभिनेत्रीसोबत लग्न केलं होतं. लग्नानंतर ते लंडन येथेच स्थायिक झाले. अधूनमधून ते चित्रपटांच्या निमित्तानं भारतात येत असत.

त्यामुळं शशी कपूर यांची पुढची पिढी सध्या ब्रिटीश सिनेसृष्टीत काम करत आहे. व सोबतच कपूर कुटुंबीयांचंही नेतृत्व करत आहेत.

आलिया आपल्या आजोबांप्रमाणे चित्रपटांत काम करत नसली तरी देखील ती एक उत्तम फोटोग्राफर आहे. चित्रपटांच्या पोस्टरसाठी ती कलाकारांचे फोटो काढण्याचं काम करते.

शिवाय प्रायोगिक ब्रिटीश नाटकांमध्येही ती काम करते. तिनं अभिनयाचं शास्त्रशुद्ध शिक्षण घेतलं आहे. पण तिला केवळ छंद म्हणून अभिनय करायचा आहे.

आलिया भारतात देखील अनेकदा येऊन गेली आहे. अलिकडेच तिनं करीना कपूरचा मुलगा तैमुरच्या वाढदिवसाच्या पार्टीत हजेरी लावली होती. त्यावेळी तिचे फोटो देखील व्हायरल झाले होते.

ती शशी कपूर यांची नात असली तरी भारतीय चाहते मात्र तिला करीना कपूर आणि रणबीर कपूर यांची चुलत बहिण म्हणूनच ओळखतात.