Happy 50th Birthday Karan Johar: केजो देणार 50व्या वाढदिवसाची ग्रँड पार्टी; आतपर्यंत गुलदस्त्यात असलेल्या त्याच्याबद्दलच्या गोष्टी सांगतील हे फोटो

मुंबईत यश आणि हिरु जोहर यांच्या पोटी जन्म झालेला करण जोहर त्याच्या वयाची गोल्डन जुबली साजरी करत आहे.

दिग्दर्शक करण जोहर नेमका दिग्दर्शनाकडे कसा वळला? याचं उत्तर कदाचित सगळ्यांना माहित आहे. करण जोहरने सुपरहिट ब्लॉकबस्टर दिलवाले दुल्हनिया ले जायेंगे चित्रपटासाठी असिस्टंट डायरेक्टर म्हणून काम केलं आहे. आपल्या जवळच्या मित्राच्या अर्थात आदित्य चोप्राच्या दिग्दर्शन पदार्पणात त्याला साथ देत त्याने बॉलिवूडमध्ये एंट्री केली आणि याच चित्रपटात अत्यंत लाजाळू आणि भित्र्या रॉकीची भूमिकापण केली

करण जोहरने इंडस्ट्रीला कुछ कुछ होता है सारखा एक आयकॉनिक चित्रपट देत स्वतःचं न पुसलं जाणारं स्थान निर्माण केलं. तब्ब्ल 8 फिल्मफेअर अवॉर्ड, प्रेक्षकांचं तुफान प्रेम, प्यार दोस्ती है.. सारखा डायलॉग, शाहरुख-काजोलची जोडी यासह त्याने राणी मुखर्जी नावाची गुणी आणि त्याकाळात नवखी असलेली अभिनेत्री इंडस्ट्रीला दिली.

आपल्या वडिलांचा वारसा नेटाने पुढे नेत करणने धर्मा प्रॉडक्शन हाऊसचा कारभार हाती घेतला आणि त्याने मागे वळून पाहिलं नाही. बॉलिवूडने पाहिलेली अनेक सोनेरी स्वप्नं त्याने सत्यात उतरवली.

केजोचा गाजलेला चॅट शो कॉफी विथ करण बद्दल उल्लेख न करता त्याची लाईफस्टोरी पूर्ण होणं शक्य नाही. या शोने फक्त तरुणाईलाच नाही तर अख्ख्या भारताला वेड लावलं. ग्लॅमरस आयुष्य जगणाऱ्या मोठ्या मोठ्या स्टार्सना कार्यक्रमात बोलवून त्यांच्याशी गप्पा मारणं आणि विशेषतः मसालेदार बातम्या काढणं यामुळे या शो ची क्रेझ वाढली. त्याच्या या कार्यक्रमाला अनेकांनी गॉसिपचं भांडारसुद्धा म्हणलं. पण या शोमध्ये येऊन रॅपिड फायर खेळून हॅम्पर जिंकणं म्हणजे स्टार्सच्या आयुष्यातला महत्त्वाचा क्षण मानला जातो.

करण जोहरच्या एवढ्या ग्लॅमरस आयुष्यात त्याला अनेकदा टीकेला सामोरं जावं लागलं आणि कारण होतं अर्थात नेपोटीजम. कोणत्याही आधाराशिवाय इंडस्ट्रीत येऊन नाव कमावणाऱ्या अनेक कलाकारांनी करणला अक्षरशः धारेवर धरलं होतं.

करण मोठ्या मोठ्या कलाकारांच्या मुला-मुलींना बिग बजेट चित्रपटात घेऊन त्यांना काम देतो, त्यांना त्याच्या बॅनरखाली लाँच करतो आणि त्यामुळे खरंच टॅलेंट असणाऱ्या कलाकारांना संधी मिळत नाही असे अगणित आरोप त्याच्यावर वारंवार होतात. करण कधी त्यावर मत व्यक्त करतो तर कधी नाही.

करणने त्याच्या खाजगी आयुष्याबद्दलहीबरेच खुलासे आत्तापर्यंत केले आहेत. त्याच्या 'एँन अनसुटेबल बॉय' या आत्मचरित्रात त्याच्या सेक्शुऍलिटीबद्दल उघडपणे नाही पण अप्रत्यक्षपणे स्पष्टीकरण दिलं आहे.

करणच्या आयुष्यातील एक महत्तवाचा टप्पा म्हणजे त्याचा वडील म्हणून असलेला प्रवास. करण सरोगसीचा माध्यमातून दोन मुलांचा बाबा झाला.

एवढं सगळं होऊनही करणने कामाच्या बाबतीत कधी कसर सोडली नाही. नुकतंच करण जोहर या नावापुढे 'पद्मश्री' असा मानाचा किताब जोडला गेला आहे. करण जोहरला पद्मश्रीने सन्मानित केल्यावर त्याने सगळ्यांचे आभार मानले.