2 लग्न, 2अफेअर्स, 1 लिव्ह इन 5 महिलांसोबत रिलेशनशिपमध्ये होते Kamal Hassan

दाक्षिणात्य ते बॉलीवूडपर्यंत आपल्या अभिनयाने चाहत्यांना भुरळ पाडणारे अभिनेता कमल हासन आज आपला ६७ वा वाढदिवस साजरा करत आहेत. त्यांनी हिंदी, दक्षिण ते बंगाली चित्रपटांमध्ये काम केल आहे. ते जितके त्यांच्या चित्रपटांमुळे चर्चेत असतात, तितकंच ते त्यांच्या वैयक्तिक आयुष्यामुळेही चर्चेत असतात. त्यांचं आयुष्यात पाच महिलांसोबत रिलेशनशिप राहिलं आहे. यादरम्यान, ते 22 वर्षीय अभिनेत्रीच्या प्रेमात पडले होते. ज्याची खूप चर्चा झाली होती. अशा परिस्थितीत त्यांच्या वाढदिवसानिमित्त आम्ही तुम्हाला त्यांच्या लव्ह लाईफशी संबंधित काही गोष्टी सांगणार आहोत.

७० च्या दशकात कमल हसन आणि श्रीविद्या यांच्या अफेअरच्या बातम्या मीडियामध्ये खूप गाजल्या होत्या. दोघांनी काही चित्रपटात एकत्र काम केले होते. पण, त्यांचे नाते फार काळ टिकले नाही.

यानंतर अभिनेत्याने 1978 मध्ये वाणी गणपतीशी लग्न केले. त्यांचे लग्न 10 वर्षे टिकले आणि 1988 मध्ये दोघेही एकमेकांपासून वेगळे झाले.

यानंतर कमल हसन आणि सारिकाच्या अफेअरच्या बातम्या मीडियामध्ये येऊ लागल्या आणि दोघांनी 1988 मध्ये लग्न केले. या लग्नाआधीच सारिका श्रुती आणि अक्षरा हसन या दोन मुलींची आई झाली होती.

मात्र, नंतर कमल हसनचे सारिकासोबतचे नातेही 2004 मध्ये तुटले. हे सर्व असूनही, अभिनेता पुन्हा एकदा प्रेमात पडला, तोही 22 वर्षांनी लहान असलेल्या सिमरन बग्गाच्या. पण नंतर अशा बातम्या आल्या की अभिनेत्रीने तिच्या बालपणीच्या मित्राशी लग्न केले.

यानंतर, तो सुमारे 13 वर्षे अभिनेत्री गौतमी (कमल हसन गौतमी) सोबत लिव्ह-इनमध्ये राहिला आणि 2016 मध्ये दोघे वेगळे झाले. गौतमीनेही त्यांचे नाते संपुष्टात आणण्याबाबत एक निवेदन जारी केले होते. त्याचप्रमाणे अभिनेत्याचे आयुष्यही बरेच वादग्रस्त राहिले आहे. चित्रपटांसोबतच ते त्यांच्या रिलेशनशिपमुळेही खूप चर्चेत असतात.

जर आपण त्यांच्या चित्रपट कारकिर्दीबद्दल बोललो, तर त्यांनी वयाच्या 6 व्या वर्षी बालकलाकार म्हणून आपल्या करियरला सुरुवात केली. मात्र, 'अपूर्व रागांगल' या चित्रपटातून त्याला यश मिळाले. यामध्ये त्याने आपल्यापेक्षा वयाने मोठ्या महिलेवर प्रेम करणाऱ्या तरुणाची भूमिका साकारली होती.

कमलबद्दल यांच्याबद्दल असंही म्हटलं जातं की 1994 मध्ये एका चित्रपटासाठी 1 कोटी रुपये घेणारे ते पहिले अभिनेते ठरले होते. एवढेच नाही तर १९ वेळा (२ हिंदी आणि १७ दक्षिण) फिल्मफेअर पुरस्कारही त्यांनी जिंकला आहे.