Jay Jay SwamiSamarth: चेटूकवाला एकनाथ उगारणार का स्वामींवर कुऱ्हाड?; दत्त जयंती विशेष भागात पाहायला मिळणार थरार

कलर्स मराठीवरील जय जय स्वामी समर्थ ही मालिका अवर्जुन पाहिली जाते.

मालिकेनं अल्पावधीच प्रेक्षकांच्या मनावर नाव कोरलं. मालिकेत अभिनेता अक्षय मुदवाडकर यानं स्वामींची मुख्य भूमिका साकारली आहे.

स्वामी समर्थ म्हणजे अर्थात ब्रम्हा विष्णू आणि महेश यांचा अवतार.

दत्त जयंती जवळ येत असल्यानं आता जय जय स्वामी समर्थ मालिकेतही प्रेक्षकांना दत्तांचं दर्शन घडणार आहे.

मालिकेच्या दत्त जयंती विशेष भागात आपण पाहणार आहोत की, चेटूकवाला एकनाथ त्याच्या तंत्र मंत्र विद्येच्या मदतीने स्वामी समर्थांना नष्ट करण्यासाठी अनेक प्रयत्न करतो.

एकनाथच्या या कृतीवर स्वामींच्या दैवी सामर्थ्यासमोर त्याचे सगळे प्रयत्न अपयशी ठरतात.

एकनाथचा राग अनावर होऊन एकनाथ साक्षात स्वामींवर कुऱ्हाड ऊगारतो, त्याच क्षणी स्वामी त्याला दत्तगुरूंच्या रूपात दर्शन देतात.

सगळ्यांवर ज्याची दहशत आहे तो एकनाथ गुरुंचा स्विकार करुन स्वामींना शरण जाईल का? हे दत्त जयंती विशेष भागात आपल्याला पाहाला मिळणार आहे.