श्रद्धासोबतच्या ब्रेकअपनंतर आता फरहान या मराठमोळ्या अभिनेत्रीच्या प्रेमात

तब्बल १७ वर्षांनी फरहान अख्तर आणि अधुना भवानी यांचा गेल्या वर्षी घटस्फोट झाला आहे. त्यानंतर त्या दोघांची अनेकांसोबत नावं जोडली गेली.

असं म्हटलं जात होतं की घटस्फोटानंतर फरहान आणि श्रद्धा कपूर हे दोघे काही काळ रिलेशनशिप होते.

पण आता अजून एका अभिनेत्रीसोबत त्याचे नाव जोडले गेले आहे. ती म्हणजे मराठमोळी अभिनेत्री शिबानी दांडेकर. नुकताच प्रदर्शित झालेला भावेश जोशी या चित्रपटात शिबानीने अर्जुन कपूरसोबत एक आइटम नंबर केला आहे.

फरहान आणि शिबानी हे दोघे २०१५पासून एकमेकांना ओळखतात. त्यानंतर आता बऱ्याच ठिकाणी एकत्र पाहिलं गेलंय. शिबानी ही प्रसिद्ध वीजे आणि अँकर अनुषा दांडेकरची बहीण आहे.

अधुना तिच्या घटस्फोटानंतर डिनो मोरीयाचा भाऊ निकोल मोरीयासोबत असल्याच्या चर्चा सध्या सुरु आहेत. तर श्रद्धा आणि फरहान विभक्त झाल्यानंतर श्रद्धा एका फोटोग्राफरसोबत रिलेशनशिपमध्ये आहे.