मृत्यू मला कोणत्याही क्षणी कवटाळू शकतो- इरफान खान

कर्करोगासारख्या गंभीर आजाराने त्रस्त असलेल्या बॉलिवूडचा अभिनेता इरफान खानच्या सहापैकी चार केमोथेरेपी आतापर्यंत झाल्या आहेत.

गेल्या अनेक महिन्यांपासून इरफान अमेरिकेत कर्करोगावर उपचार घेत आहे. तिसऱ्या केमोनंतर इरफानच्या प्रकृतीत सुधारणा दिसून येत आहे.

सहा केमोथेरपी झाल्यावर पुन्हा एकदा कर्करोगाच्या सर्व चाचण्या करण्यात येतील.

नुकत्याच एका मुलाखतीत इरफान म्हणाला की, भविष्याची कोणतीही काळजी न करता आणि कोणत्याही योजना न आखता मुक्तपणे जगण्यास सध्या मी प्राधान्य देत आहे.

माझ्या या आजारामुळे मृत्यू मला कधीही कवटाळू शकतो असेही त्याने यावेळी म्हटले.

इरफानचा ‘कारवाँ’ हा चित्रपट उद्या (शुक्रवारी) प्रेक्षकांच्या भेटीला येत आहे.