Women's Day 2020 : स्वतःच्या नावावरच सिनेमा हिट करतात या अभिनेत्री, मानधनाचा आकडा ऐकून व्हाल थक्क

आज जागतिक महिला दिन. बॉलिवूड अभिनेत्रींबद्दल बोलायचे झाले तर एक वेळ अशी होती की अभिनेत्रींना सिनेमात मनासारख्या भूमिका मिळत नव्हत्या तर समाधानकारक मानधन आणि ओळखही मिळत नव्हती. मात्र आता गोष्टी बदलल्या आहेत. एकीकडे अभिनेत्रींना भूमिकेनुसार ओळख मिळत आहे तर दुसरीकडे त्यांच्या कामानुसार त्यांना मानधनही मिळत आहे. अनेकदा तर अभिनेत्यापेक्षा जास्त मानधन अभिनेत्री घेत आहेत. आज आम्ही तुम्हाला अशाच अभिनेत्रींबद्दल सांगणार आहोत.

दीपिका पदुकोण- या यादीत अग्रणी आहे ती म्हणजे दीपिका पदुकोण. दीपिकाने पद्मावत सिनेमासाठी १४ ते १६ कोटी रुपये एवढं मानधन घेतलं होतं. तिच्या एवढं मानधन सिनेमातील इतर अभिनेत्यांनाही दिलं नव्हतं.

कंगना रणौत- या यादीत दुसऱ्या स्थानावर आहे ती कंगना. प्रत्येक सिनेमासाठी कंगना साधारणपणे ११ ते १२ कोटी रुपये एवढं मानधन घेते. तिने मनिकर्णिकामध्ये दिग्दर्शनही केलं होतं. तसंच सिनेमाच्या प्रॉफिटमध्ये तिचा हिस्सा होता.

प्रियांका चोप्रा- आंतरराष्ट्रीय सुपरस्टार प्रियांका चोपडा एका शोमध्ये येण्यासाठी मिनिटाला १ कोटी रुपये एवढं मानधन घेते. ती प्रत्येक सिनेमासाठी ९ ते १० कोटी रुपये घेते.

करिना कपूर खान- करिना फक्त सिनेमांसाठीच नाही तर जाहिरातीमधूनही चांगली कमाई करते. ती प्रत्येक प्रोजेक्टसाठी साधारणपणे ८ ते ९ कोटी रुपये मानधन घेते.

विद्या बालन- विद्याही तिच्या प्रत्येक सिनेमांसाठी ७ ते ८ कोटी रुपये घेते. विद्याचं नाव त्या अभिनेत्रींमध्ये येतं जी स्वतःच्या नावावर सिनेमा हिट करते.

कतरिना कैफ- कतरिनाही प्रत्येक सिनेमासाठी ६ ते ७ कोटी रुपये घेते. असंही म्हटलं जातं की भारत सिनेमात प्रियांकाला रिप्लेस केल्यानंतर सलमानने कतरिनाला प्रियांका एवढे मानधन मिळवून दिले आहे.

अनुष्का शर्मा- अनुष्काही इतर अभिनेत्रींप्रमाणे प्रत्येक सिनेमासाठी साधारणपणे ५ ते ६ कोटी रुपये मानधन घेते. तिचं स्वतःचं प्रोडक्शन हाऊसही आहे. याशिवाय ‘नुश’ नावाचं क्लोदिंग लाइनही आहे.