तब्बल 5 वर्षांच्या प्रतीक्षेनंतर या भारतीय अभिनेत्रीची हॉलिवूडमध्ये एंट्री; 'मंकी मेन' मधून करणार डेब्यू

2013 मध्ये 'मिस फेमिना'त दुसरा क्रमांक पटकावलेली अभिनेत्री आणि मॉडेल सोभिता धुलिपाला पुन्हा एकदा चर्चेत आली आहे. सोभिताची एका मोठ्या हॉलिवूड चित्रपटात वर्णी लागली आहे.

ऑस्कर विजेता प्रसिद्ध अभिनेता देव पटेल याच्यासोबत सोभिता झळकणार आहे. देव या चित्रपटातून दिग्दर्शनात पदार्पण करणार आहे.

'मंकी मेन' असं या चित्रपटाचं नाव असून सोभितासोबत देव पटेलसुद्धा यामध्ये मुख्य भूमिकेत दिसणार आहे.

याबद्दल बोलताना सोभितानं म्हटलं आहे. की जवळजवळ पाच वर्षांपूर्वी तिनं या चित्रपटासाठी ऑडिशन दिलं होतं. तब्बल पाच वर्षांनतर हा चित्रपट तिला मिळाला आहे.

या चित्रपटाची कथा एका अशा व्यक्तीभोवती फिरते जो तुरुंगातून जाऊन आला आहे. त्यांनतर तो कॉर्पोरेट क्षेत्रात आपलं करिअर बनवतो. मात्र पैशांच्या लालसेपोटी तो चुकीच्या मार्गांचा अवलंब करतो आणि शेवटी तो त्या व्यक्तींचा बदला घेण्याचा प्रयत्न करतो ज्यांनी त्याचं सगळ काही हिरावून घेतलं आहे.

सोभिता या चित्रपटातील आपल्या भूमिकेसाठी खूपच उत्सुक आहे. तिनं असं म्हटलं आहे. की ती आपल्या पहिल्या चित्रपटासाठी 'कान्स' महोत्सवात जात असताना तिला 'मंकी मेन' च्या स्क्रीन टेस्ट साठी फोन आला होता.

याव्यतिरिक्त सोभिताच्या हातात अजून एक मोठा चित्रपट आहे. लवकरच ती दाक्षिणात्य सुपरस्टार महेशबाबू सोबत 'मेजर'या चित्रपटात अभिनय करताना दिसून येणार आहे. या चित्रपटात तिची भूमिका नेमकी काय असेल हे अजूनही स्पष्ट झालं नाही.

सोभितानं 2016 मध्ये तेलुगू चित्रपट 'रमन राघव' मधून चित्रपट क्षेत्रात पदार्पण केलं आहे. त्याचबरोबर तिनं 'गुडचारी' या चित्रपटात देखील काम केलं आहे.

सोभितानं हॉलिवूड चित्रपटाच्या चित्रीकरणाला सुरुवात केली असून. त्याचबरोबर ती मणीरत्नम यांच्या 'पोन्नीयिन सेलवन' आणि 'कुरूप' या मल्याळी चित्रपटातही झळकणार आहे.