रात्रीस खेळ चाले : ...म्हणून दत्ता सरिताच्या कानाखाली देतो

'रात्रीस खेळ चाले 2'मध्ये बरेच टर्न येतायत. दत्ताचं त्याच्या मनाविरुद्ध लग्न झालं, पण सरिताच्या वागण्यामुळे दत्ताला ती आवडू लागते. पण तो व्यक्त करत नाहीय.

सरितानं कमी अवधीत घरातली सगळी परिस्थिती लक्षात घेतलीय. अण्णा दत्ताला नोकरासारखे राबवून घेतात, हे तिच्या लक्षात आलंय. दत्तानं नोकरी करावी असं तिला वाटतंय.

सरिता पाटणकरांना दत्तासाठी नोकरी बघा म्हणून सांगते. दत्ताला ते आवडत नाही. तो रागानं घरी येतो.

त्यात अण्णा दत्ताला अपमानास्पद बोलतात. त्याची लायकी काढतात. तशी सरिता अण्णांच्या अंगावर ओरडते.

अण्णांना धक्का बसतो. ते सरिताच्या दिशेनं यायला लागतात, तसा दत्ता मध्ये येऊन सरिताच्या कानाखाली देतो.

सरिता दत्ताच्या बाजूनं बोलतेय, मग असं का हा प्रश्न सगळ्यांना पडतो. पण अण्णांचा क्रूरपणा दत्ताला माहीत होता. त्यांनी सरिताला काही करू नये म्हणून दत्ता सरिताच्या कानाखाली देतो.

या घटनेमुळे अण्णा खूश होतात. ते तिथून निघून जातात आणि सरिता वाचते.

सरिता रडू लागते. तेव्हा सर्व घराला सांभाळून घेणारी इंदू सरिताला समजावते.