कोरोनाची भीती कुणाला? इलियाना डिक्रूजला पाहण्यासाठी चाहत्यांनी केली गर्दी

इलियाना डिक्रूज ही बॉलिवूडमधील एक लोकप्रिय अभिनेत्री आहे.

मै तेरा हिरो, रेड, बरफी, किक, येवडू यांसारख्या अनेक सुपरहिट हिंदी आणि दाक्षिणात्य चित्रपटांमध्ये ती झळकली आहे.

चित्रपटांसोबतच ती सोशल मीडियावर देखील चर्चेत असते. सध्या तिचे खरेदी करतानाचे काही फोटो सोशल मीडियावर व्हायरल होत आहेत.

इलियानानं गुड फ्रायडे या सणाच्या निमित्तानं थोडी शॉपिंग केली. पण लक्षवेधी बाब म्हणजे तिला खरेदी करताना पाहण्यासाठी चाहत्यांनी दुकानासमोर गर्दी केली होती.

वाढत्या कोरोनामुळं गर्दी करण्यास बंदी घातली आहे मात्र कोरोनाची फिकिर न करता चाहते आपल्या आवडत्या अभिनेत्रीची एक झलक पाहण्यासाठी दुकानासमोर ताटकळत उभे होते.

तिनं वांद्रे येथील एका दुकानात खरेदी केली.

अखेर वाढती गर्दी पाहून स्वत: इलियानेच खरेदी थांबवली अन् ती आपल्या गाडीत बसून लगेचच निघून गेली. परंतु या दरम्यान चाहत्यांनी तिचे काही फोटो काढले.

इलियानाने गुड फ्रायडेच्या निमित्तानं केक आणि गिफ्ट खरेदी केले. हे फोटो सध्या सोशल मीडियावर जोरदार व्हायरल होत आहेत.

इलियाना अलिकडेच अभिषेक बच्चनच्या द बिग बूल या चित्रपटात झळकली होती.

या चित्रपटात तिनं सुचिता दलाल ही महत्वाची भूमिका साकारली होती. या भूमिकेसाठी तिची प्रचंड स्तुती करण्यात आली.