Plane crash मध्ये बर्थडे दिवशीच झाला होता अमिताभ बच्चन यांची को-स्टार Taruni Sachdev हिचा मृत्यू

बॉलिवूड अभिनेत्री करिश्मा कपूरसोबत दिसलेल्या तरुणी सचदेव हिला अनेक लोक आजही रसना गर्ल या नावानेही ओळखतात. या जाहिरातीशिवाय तरुणी 50 पेक्षा अधिक अधिक व्यावसायिक अॅड्समध्येही दिसली होती. लहानग्या तरुणीने स्वतःची एक ओळख निर्माण केली होती. तिला वयाच्या 14 व्या वर्षापर्यंत जेवढी प्रसिद्धी मिळाली होती, ती मिळवण्याासाठी अनेकांना वर्षानुवर्षे वाट पाहावी लागते.

तरुणीच्या मृत्यूमुळे देशभरातील लोकांना धक्का बसला होता. 14 मे 1998 रोजी जन्मलेल्या तरुणीचा 14 मे 2012 रोजी विमान अपघातात (Agni Air Dornier 228 crash) मृत्यू झाला होता. नेपाळमधील जोमसोम विमानतळावर ही घटना घडली आणि यामध्ये अभिनेत्रीच्या आईनेही जगाचा निरोप घेतला होता.

ज्या दिवशी तरुणीचा 14 वा वाढदिवस होता आणि त्याच दिवशी विमान अपघातात तिचा मृत्यू झाला.

तरुणीने 2004 साली मल्याळम चित्रपट 'वेल्लीनक्षत्रम'मधून पदार्पण केले. यानंतर ती प्रियामणीसह सत्यममध्ये दिसली.

तिने इंडस्ट्रीत प्रवेश केला तेव्हा ती फक्त पाच वर्षांची होती. 'रसना', 'कोलगेट', 'आयसीआयसीआय बँक', 'रिलायन्स मोबाइल', 'गोल्ड विनर', 'शक्ती मसाला' अशा अनेक टेलिव्हिजन जाहिरातींमध्ये तिने काम केले होते.

रसनानंतर तरुणी तिच्या काळातील सर्वात महागडी बालकलाकार ठरली होती.