Happy Birthday- तबला नवाज झाकीर हुसैन यांच्या या गोष्टी तुम्हाला माहीतच नसतील

तबल्यावर आपल्या बोटांनी आणि हातांनी संपूर्ण जगाला वेड लावणाऱ्या पद्मश्री उस्ताद झाकीर हुसैन यांचा आज ६८ वा वाढदिवस. उस्ताद झाकीर यांची ओळख करून द्यायची म्हणजे सूर्याला प्रकाश दाखवण्यासारखेच आहे.

झाकीर हे तबला उस्ताद ‘अल्ला रख्खा’ यांचे पूत्र. अल्ला रख्खा हे महाराष्ट्रातले असल्यामुळे झाकीर यांचं बालपण मुंबईत गेलं. झाकीर यांचं पूर्ण नाव झाकीर हुसैन कुरेशी असं आहे.

वयाच्या तिसऱ्या वर्षापासून झाकीर यांनी वडिलांकडे पखवाज शिकायला सुरुवात केली. अल्ला रख्खा त्यांना पहाटे ३ वाजता उठवून रियाज करून घ्यायचे. वयाच्या सातव्या वर्षी झाकीर यांनी पहिला परफॉर्मन्स दिला.

वयाच्या अवघ्या १२ व्या वर्षी त्यांनी संगीत क्षेत्रात आपल्या तबल्याचा आवाजाने सर्वांना मंत्रमुग्ध करायला सुरुवात केली.

१९७३ मध्ये त्यांचा पहिला अल्बम लिव्हिंग इन द मटेरिअल वर्ल्ड प्रदर्शित झाला होता.

झाकीर हे बिल लाउ वैलचे ग्लोबल म्युझिक सुपरग्रुपचे तबला बीट साईंसचे संस्थापक सदस्य आहेत. हिट अँड डस्ट आणि साज या सिनेमांशिवाय अनेक सिनेमांना त्यांनी संगीत दिलं आहे.

१९८८ मध्ये झाकीर यांना पद्मश्री पुरस्कार मिळाला. १९९० मध्ये त्यांना संगीत नाटक कला अकादमीचा पुरस्कारही मिळाला. १९९२ मध्ये द प्लॅनेट ड्रम आणि २००९ मध्ये ग्लोबल ड्रम प्रोजेक्टसाठी त्यांना दोन ग्रॅमी अवॉर्डही मिळाले. तर २००२ मध्ये पद्मभूषण पुरस्काराने सन्मानित करण्यात आले.