Happy Birthday Nana Patekar: अभिनयासोबत या कलेतही नानांचा हातखंडा

बॉलिवूडचे दिग्गज कलाकार नाना पाटेकर यांचा आज 70 वा वाढदिवस आहे. त्यांचा जन्म 1 जानेवारी 1951 मध्ये रायगड जिल्ह्यात झाला होता. नाना पाटेकर यांनी 4 दशकं बॉलिवूडवर राज्य गाजवलं आहे. एक उत्तम अभिनेता म्हणून त्यांची देशातच नाही तर जगभरातही ओळख आहे.

नाना पाटेकर जसे उत्तम अभिनेते आहेत तसेच ते चांगले कूक आहेत. पाककलेमध्ये त्यांना विशेष आवड आहे. ते अजूनही त्यांच्यासाठी आणि त्यांच्या मित्रमंडळींसाठी स्वत: जेवण बनवतात.

अतिशय यशस्वी अभिनेता असूननी नाना पाटेकर साधं सरळ आयुष्य जगतात. शेतकरी आणि शेतकऱ्यांच्या कुटुंबासाठी पाटेकरांनी आणि मकरंद अनासपुरे यांनी मिळून नाम ही संस्था सुरू केली आहे. आजपर्यंत अनेकांना या संस्थेद्वारे मदत मिळाली आहे.

करिअरच्या बाबतीत बोलायचं झालं तर नाना पाटेकरांनी गमन नावाच्या एका सिनेमातून एका छोट्याच्या भूमिकेतून करिअरची सुरूवात केली होती.त्यांना खरी ओळखी एन चंद्रा यांच्या अंकुश आणि विधू विनोद चोप्रा यांच्या परिंदा सिनेमामुळे मिळाली होती. 1991 मध्ये प्रदर्शित झालेला क्रांतीवीर हा सिनेमा सुपरहिट झाला होता. त्यानंतर त्यांनी 'यशवंत', 'वजूद', 'युगपुरुष', 'गुलाम-ए-मुस्तफा' सारख्या अनेक भूमिकांमध्ये हिरोची भूमिका साकारली. 'खामोशी', 'यशवंत', 'अब तक छप्पन', 'अपहरण', 'वेलकम' आणि 'राजनीति' या चित्रपटांमध्येही त्यांनी काम केलं आहे.

नाना पाटेकर यांना डायलॉग डिलीव्हरीचा ‘दादा’ म्हटलं तर ते चुकीचं ठरणार नाही. उत्कृष्ट संवाद फेक आणि उत्तम अभिनयामुळे आजही नाना पाटेकर रसिकांच्या मनात घर करुन आहेत.