HBD: सोनपरी ते द्रौपदी, जिजाऊ प्रत्येक भूमिकेत जिंकलं प्रेक्षकांचं मन; पाहा मृणाल कुलकर्णींचा थक्क करणारा प्रवास

मराठी सिनेसृष्टीतील लोकप्रिय अभिनेत्री मृणाल कुलकर्णी (Mrunal Kulkarni) यांनी आजवर त्यांच्या प्रत्येक भूमिकेने प्रेक्षकांचं मन जिंकलं आहे. पाहा मृणाल यांचा थक्क करणार प्रवास.

मृणाल यांचा जन्म २१ जून १९६८ ला पुण्यात झाला होता. मृणाल यांचे वडिल डॉक्टर होते. तर त्यांचं माहेरचं नाव मृणाल देव असं आहे. त्यांना मधुरा नावाची लहाण बहीण देखील आहे.

मृणाल यांचं शिक्षणही पुण्यातच झालं. त्यांनी लिंग्विस्टीक्समध्ये मास्टर्स केलं आहे. पण त्यांना अभिनयातच रस होता.

मृणाल यांनी वयाच्या अवघ्या सोळाव्या वर्षीच आपल्या अभिनय करिअरला सुरुवात केली होती. स्वामी या मालिकेत त्यांनी पेशवे रमाबाई हे पात्र साकारलं होतं.

यानंतर मृणाल यांच्या अभिनय कौशल्याने त्यांनी अनेक अवघड अशा व्यक्तिरेखा साकारल्या. 'सोनपरी' ही प्रचंड लोकप्रिय झालेली मालिकाही त्यांनी केली. आजही सोनपरीचे लाखो चाहते आहेत.

1990 साली त्यांनी त्यांचा बालपणीचा मित्र रुचिर कुलकर्णी यांच्याशी विवाह केला. त्यानंतरही त्यांच काम मात्र सुरूचं होतं. रुचिर हे चित्रपटसृष्टीत नाहीत.

विराजस कुलकर्णी हा मृणाल यांचा मुलगा आहे. मराठी मालिकांमधून त्यानेही मोठी ओळख मिळवली आहे.

यानंतर दौपदी, अहिल्याबाई होळकर, पेशवीन रमाबाई, जिजाबाई अशा दमदार भूमिका मृणाल यांनी साकारल्या. तर प्रत्येक भूमिकेत त्यांनी प्रेक्षकांची दाद मिळवली.

अभिनयाइतक्याच त्या सौंदर्यवतीही आहेत. त्यांच्या सौंदर्याचे आजही लाखो चाहते आहेत. लवकरच मृणाल 'पावनखिंड' या ऐतिहासिक चित्रपटात दिसणार आहेत.