HBD: पहिल्याच मालिकेत ठरली होती सुपरहिट; पाहा मृणाल कशी बनली लोकप्रिय अभिनेत्री

टीव्हीची प्रसिद्ध अभिनेत्री म्हणून ओळख असलेली अभिनेत्री मृणाल दुसानिसने पहिल्याच मालिकेतून प्रेक्षकांना अक्षरशः वेड लावलं होतं. पाहा मृणालचा अभिनय प्रवास कसा होता.

मृणालने तिच्या अभिनयाने , सौंदर्याने प्रेक्षकवर्गावर मोठी जादू केली. मृणालचा जन्म 20 जून 1988 ला नाशिकमध्ये झाला होता.

तिचं शालेय शिक्षणही नाशिकमध्येचं झालं. तिने मास्टर्स इन जर्नलिझम ही पदवी देखील घेतली होती. पण अभिनयातील आवड तिला स्वस्थ बसू देत नव्हती.

अभिनयाची आवड असल्याने ती कॉलेज जीवनापासूनच नाटकांत सहभागी व्हायची.

मृणालला 2010 साली 'माझिया प्रियाला प्रीत कळेना' या झी मराठीवरील मालिकेत पहिला ब्रेक मिळाला होता.

अभिनेता अभिजीत खांडकेकरसोबत तिची जोडी सुपरहिट ठरली होती. तर मालिकेला तुफान लोकप्रियता मिळाली होती. त्यानंतर मृणालला खरी ओळखही मिळाली.

त्यानंतर मृणाल काही कार्यक्रमांमध्येही दिसली. तर 2015 साली ती 'अस्सं सासर सुरेख बाई' या मालिकेत दिसली. अभिनेता संतोष जुवेकरसोबत ही मालिका देखील लोकप्रिय झाली होती.

2016 साली मृणालने निरज मोरे याच्याशी लग्न केलं. तो सॉफ्टवेअर इंजीनिअर असून टेक्सास, अमेरिकेत असतो.

अभिनयाव्यतिरिक्त मृणाल उत्तम डान्सर आणि गायिका देखील आहे. तिचा आवाज तिच्या चाहत्यांना फारच आवडतो.

मागील वर्षी मृणाल 'सुखांच्या सरींनी हे मन बावरे' या सुपरहिट मालिकेत दिसली होती. अभिनेता शशांक केतकर सोबत तिची मालिता लोकप्रिय ठरली होती.

मृणाल सध्या कोणत्याही मालिकेत दिसत नाही. तर ती पती निरजसोबत टेक्सासमध्ये राहत आहे. सोशल मीडियावर ती काही फोटो शेअर करत असते.