Kangana Ranaut B'day: एक-दोन नव्हे कंगनाला 5 वेळा मिळालाय धोका; या अभिनेत्यांच्या प्रेमात वेडी होती अभिनेत्री, आजही अविवाहित

बॉलिवूड अभिनेत्री कंगना रनौत नेहमीच आपल्या वादग्रस्त वक्तव्यांमुळे चर्चेत असते. अभिनेत्री सतत बॉलिवूडकरांना ट्रोल करत असते.

कंगना रनौत आज आपला 37 वा वाढदिवस साजरा करत आहे. यानिमित्ताने तिच्या लव्हलाईफवर एक नजर टाकूया.

कंगना रनौतचा जन्म 23 मार्च 1987 रोजी हिमाचल प्रदेशातील भंबाला येथे झाला आहे. मंडी जिल्ह्यातील एका छोट्याशा गावातून आलेल्या कंगनाचे वडील व्यवासायिक आणि आई शिक्षिका आहे.

करिअरच्या सुरुवातीला कंगना रनौत अभिनेता आदित्य पांचोलीला भेटली होती. यावेळी 20 वर्षांची कंगना विवाहित आदित्यच्या प्रेमात पडली होती. दोघेही सोबतसुद्धा राहात होते. मात्र आदित्यने आपल्याला मारहाण केल्याचा आरोप करत कंगनाने या नात्याचा शेवट केला होता.

या ब्रेकअपनंतर कंगना अभिनेते शेखर सुमन यांचा मुलगा अध्ययन सुमनला भेटली होती. हे दोघेही एकमेकांच्या प्रेमात पडले होते. मात्र शेखर सुमन आणि अध्ययनने अभिनेत्रीवर अनेक गंभीर आरोप लावत हे नातं संपवलं होतं.

पुढे 'वन्स अपॉन ए टाईम इन मुंबई'च्या सेटवर कंगना अजय देवगनच्या प्रेमात पडली होती. या दोघांचं अफेयर सुरु असल्याच्या अनेक बातम्या समोर आल्या होत्या. असं म्हटलं जातं की, कंगना अजयच्या प्रेमात वेडी झाली होती. परंतु अजय काजोलला कोणत्याही परिस्थिती सोडायला तयार नव्हता. त्यामुळे हे नातं संपुष्ठात आलं.

तीन वाईट रिलेशनशिपनंतर कंगना रनौत ब्रिटिश डॉक्टर निकोलस लाफर्टच्या प्रेमात पडली होती. मात्र हे नातसुद्धा फारकाळ टिकलं नाही.

कंगना रनौत आणि हृतिक रोशनचं नातं फारच चर्चित आणि विवादित ठरलं. कंगनाने मीडियासमोर आपलं अफेयर असल्याचं कबुल केलं होतं. मात्र हृतिक रोशनने या गोष्टीला नकार दिला होता. त्यांनतर हे प्रेम दुष्मनीत बदललं होतं.त्याकाळात कंगना सतत हृतिकवर सोशल मीडियावरून तिखट शब्दात वार करत होती.