HBD: TV पत्रकार, मिस श्रीलंका ते टॉप बॉलिवूड अभिनेत्री, पाहा जॅकलिनचा थक्क करणारा प्रवास

अभिनेत्री जॅकलिन फर्नांडीझ बॉलिवूडची एक नामांकित अभिनेत्री म्हणून ओळखली जाते. अनेक चित्रपटांतून नृत्याने तसेच बोल्डनेसने तिने नेहमीच चाहत्यांना घायाळ केलं आहे. पण तिचा प्रवास मात्र तितकाच कठीणही होता. जॅकलिनच्या वाढदिवसानिमित्त पाहा तिच्याविषयी खास गोष्टी.

जॅकलीनचा जन्म 11 ऑगस्ट 1986ला झाला होता. तिचे वडील हे श्रीलंकन तर आई मलेशियन आहे. तिचे वडिल हे संगीतकार होते तर आई एअरहोस्टेस होती. तिला एकून 4 भावंड आहेत. तर ती सर्वात लहान आहे.

जॅकलिनला लहानपणापासूनच एक अभिनेत्री व्हायचं होतं. एका मुलाखतीत तिने खुलासा केला होता. त्यामुळे अभ्यासापेक्षा या गोष्टींत ती जास्त रमायची.

जॅकलीनने सिडनी यूनिवर्सिटीतून मास कम्युनिकेशनचं शिक्षण पूर्ण केलं आणि श्रीलंकेत एक टीव्ही चॅनलमध्ये पत्रकार म्हणून काम करू लागली.

जॅकलीन फर्नांडिस 2006 मध्ये मिस श्रीलंका यूनिवर्स किताब जिंकली. आणि त्यानंतर तिने मॉडेलिंग करायला सुरूवात केली. याच नंतर तिने अभिनयाचंही शिक्षण घेतलं. सन 2009 मध्ये एका मॉडेलिंग असाइंटमेंटसाठी ती भारतात आली होती. त्यावेळी तिने ‘अलादीन’ चित्रपटासाठी ऑडिशन दिलं आणि तिची निवड देखील झाली. याच चित्रपचातून तिने आपल्या बॉलिवूड करिअरला सुरूवात केली होती.

जॅकलिनने आपल्या परफेक्शनसाठी हिंदी शिकायला सुरूवात केली. ‘अलादीन’ नंतर ‘मर्डर 2’ मधून तिला ओळख मिळाली. त्यानंतर अभिनेत्रीने कधीही मागे वळून पाहिलं नाही. ‘हाउस फुल 2’, ‘रेस 3’, ‘किक’ अशा अनेक हीट चित्रपटांत ती झकळली.

जॅकलीन लवकरच ‘भूत पोलीस’ चित्रपटात दिसणार आहे. ज्यात सैफ अली खान, अर्जुन कपूर आणि यामी गौतम दिसणार आहेत.

याशिवाय तिच्याकडे आणखी काही प्रोजेक्ट्स आहेत. ज्यात ‘बच्चन पांडे’, ‘सर्कस’, ‘अटॅक’ शिवाय कन्नड़ चित्रपट ‘विक्रांत रोना’ या चित्रपटांचा समावेश आहे.