HBD Genelia: 15 वर्षीय जेनेलियाच्या प्रेमात पडला होता रितेश; अशी सुरू झाली होती प्रेमकहानी

बॉलिवूडचं पॉवर कपल म्हणून ओळखले जाणारे रितेश आणि जेनेलिया नेहमीच चर्चेत राहतात. त्याचप्रमाणे त्यांची लव्हस्टोरीही नेहमी चर्चेत राहीली आहे. या गोड जोडीची प्रेमकहानी कशी सुरू झाली होती माहीत आहे का? जेनेलियाच्या वाढदिवसानिमित्त वाचा त्यांची प्रेमकहानी.

अभिनेत्री जेनेलिया डिसोजा देशमुखचा जन्म ५ ऑगस्ट १९८७ला मुंबईत झाला होता. जेनेलियाचे आई वडील हे मोठे अधिकारी होते. तिला फिल्मी बॅकग्राउंज नव्हता. पण तिला अभिनयात रस होता.

जेनेलियाने तुझे मेरी कसम या चित्रपटातून बॉलिवूडमध्ये पदार्पण केलं होतं. विशेष म्हणजे याच चित्रपटाच्या सेटवर रितेश आणि जेनेलियाची ओळख झाली होती.

जेनेलियाला माहीत होतं की चित्रपटातील हिरो हा एका मंत्र्याचा मुलगा आहे. त्यामुळे ती त्याच्यापासून थोडं लाबंच राहत होती. व त्याच्यात खूप घमंड असेल असं तिला वाटत होतं.

रितेश खूप भाव खात असेल असं तिला वाटत होतं त्यामुळे तिने आधीपासूनच भाव खायला सुरुवात केली व रितेशच्या हाय हॅलोवर जास्त लक्ष दिलं नाही. त्यामुळे पहिल्या भेटीतील जेनेलियाचं हे वागणं त्याला फारच खटकलं होतं.

पण शुटींग दरम्यान तिच्या लक्षात आलं की, राजकारणी कुटुंबातील असला तरीही तो फारच मनमिळावू आणि सगळ्यांशी प्रेमाणे वागणारा आहे.

शुटींग दरम्यान त्यांची ओळख वाढू लागली तसेच त्यांची अगदी चांगली मैत्री झाली. १५-१६ वर्षीय जेनेलिया आणि २४ वर्षीय रितेश एकमेकांशी जेनेलियाच्या आभ्यासाविषयी गप्पा मारायचे.

चित्रपटाचं शुटींग संपल्यानंतर मात्र रितेश जेनेलियाला फार मिस करत होता. पण एका मुलीला लगेच फोन करण ठिक राहिल का असा विचार तो करत होता. तर दुसरीकडे जेनेलियालाही रितेशची मैत्री आठवत होती.

ती रितेशकडे आकर्षित होत होती. त्यानंतर त्यांनी पुन्हा एकदा मस्ती या चित्रपटात एकत्र काम केलं. तर त्यानंतर त्यांच नात सुरू झालं होतं. पण त्यांनी कोणालाही कळू दिलं नव्हतं.

यानंतर तब्बल १० वर्षे एकमेंकाशी मैत्री तसेच प्रेम आणि डेट केल्यानंतर त्यांनी ३ फेब्रुवारी २०१२ला लग्नगाठ बांधली. धुमधडाक्यात त्यांनी विवाह केला होता.

रितेश आणि जेनेलिया आता दोन मुलांचे आईबाबा झाले आहेत. जेनेलिया सध्या चित्रपटांत जास्त दिसत नाही. मात्र अनेक रियॅलिटी शोजमध्ये ती दिसते. त्यांची जोडी त्यांच्या चाहत्यांकडून फारच पसंत केली जाते.