Happy Birthday Bappi Lahiri: एका वर्षात 180 गाणी गायली, रचला वर्ल्ड रेकॉर्ड

लोकप्रिय संगीतकार आणि गायक बप्पी लहरी यांची प्रसिद्धी सर्वदूर आहे. बप्पी लहरी यांनी बॉलिवूडमध्ये डिस्को आणि पॉप संगीत आणलं होतं. बप्पी लहरी यांचा जन्म 27 नोव्हेंबर 1952 मध्ये झाला. आतापर्यंत त्यांनी आपल्या कारकिर्दीत अतिशय सुंदर गाणी गायली असून आजही लोकांच्या तोंडात ही गाणी बसलेली आहेत. (फोटो सौजन्य-:बप्पी लहरी/इंस्टाग्राम)

कोलकात्यात जन्मलेल्या बप्पी लहिरी यांचे मुळ नाव आलोकेश लहरी असे होते. लहानपणापासूनच त्यांना संगीताची आवड होती. आंतरराष्ट्रीय स्तरावर त्यांना ओळख बनवायची होती. त्यांचे वडिल अपरेश लहिरी हे प्रसिद्ध बंगाली गायक होते. त्यांची आई बासुरी लहिरी देखील संगीतकार होत्या (फोटो- बप्पी लहिरी/इन्स्टाग्राम- फोटोमध्ये बप्पी लहिरींबरोबर लता मंगेशकर आहेत)

कोलकात्यात जन्मलेल्या लहिरी तीन वर्षांचे असतानाच तबला वाजवायला शिकले. 19 व्या वर्षी त्यांनी मुंबईला आल्यानंतर 1973 मध्ये त्यांना नन्हा शिकारी या सिनेमात गाण्याची संधी मिळाली. (फोटो सौजन्य- बप्पी लहिरी/इन्स्टाग्राम)

बप्पी लहिरी आणि किशोर कुमार दोघे नातेवाईक आहेत. किशोर कुमार हे बप्पी लहिरी यांचे मामा होते. यामुळेच त्यांना 1975 मध्ये मोहम्मद रफी आणि आपले मामा किशोर कुमार यांच्यासोबत गाण्याची संधी मिळाली होती. त्यानंतर लहिरी यांना विशेष ओळख मिळाली होती. (फोटो सौजन्य-बप्पी लहिरी/इन्स्टाग्राम)

बप्पी लहिरी एकमेव संगीतकार आहेत ज्यांना मायकल जॅक्सनने 1996 मध्ये मुंबईत आयोजित आपल्या संगीत कॉन्सर्टमध्ये बोलावलेले (फोटो सौजन्य- बप्पी लहिरी/इन्स्टाग्राम)

एका मीडिया अहवालाच्या मते 1986 मध्ये बप्पी लहरी यांनी 33 सिनेमांत 180 गाणी म्हटली होती. त्यांच्या या रेकॉर्डची नोंद गिनिज बूक ऑफ वर्ल्ड रेकॉर्डमध्ये झाली होती. (फोटो सौजन्य- बप्पी लहिरी/इन्स्टाग्राम)

बप्पी लहिरी अनोख्या गायनशैलीसाठी ओळखले जातात. एका मुलाखतीत त्यांनी असे सांगितले होते की, एवढे सोन्याचे दागिने घालण्याची प्रेरणा गायक एलविस प्रेस्ले यांच्याकडून मिळाली होती. सुरुवातीला ते केवळ सोन्याची चेन आणि ब्रेसलेट घालत होते. परंतु त्यानंतर अन्य दागिन्यांची आवड निर्माण झाल्याने त्यांनी दागिने घालण्यास सुरुवात केली. त्यांना पहिली चेन त्यांच्या आईने भेट दिली होती तर दुसरी पत्नीने भेट दिली होती. (फोटो सौजन्य- बप्पी लहिरी/इन्स्टाग्राम)

नमक हलाल, शराबी आणि डिस्को डांसर यासारख्या सिनेमांतील संगीतामुळे बप्पी लहिरींना प्रसिद्धी मिळाली. आपल्या संगीताच्या जोरावरच त्यांनी संगीत क्षेत्रात एक वेगळी ओळख निर्माण केली आहे. (फोटो सौजन्य- बप्पी लहिरी/इनस्टाग्राम - फोटो शराबी सिनेमाच्या साउंड रेकॉर्डिंग दरम्यानचा आहे)