टीव्हीवरील सुंदर जोडपं बनणार 'आईबाबा', गुरमीत-देबिनानं दिली GOOD NEWS!

छोट्या पडद्यावरील सर्वात लोकप्रिय जोडप्यांपैकी एक म्हणून अभिनेता गुरमीत चौधरी आणि अभिनेत्री देबिना बॅनर्जी यांना ओळखलं जातं. या जोडीने नुकताच गुड न्यूज दिली आहे.

गुरमीत आणि देबिनाने आपल्या इस्टाग्राम अकाऊंटवर पोस्ट शेअर करत आपण आईबाबा बनणार असल्याचं सांगितलं आहे.

गुरमीतने आपला आणि देबिनाचा एक सुंदर फोटो शेअर केला आहे. यामध्ये अभिनेत्रीचा बेबी बम्प स्पष्ट दिसत आहे.

गुरमीतने पोस्ट शेअर करत लिहिलं आहे, 'लवकरच ३ होणार आहोत. ज्युनिअर चौधरी येणार आहे. आपला सर्वांचा आशिर्वाद हवा'. असं म्हणत अभिनेत्यानं गुड न्यूज दिली आहे.

गुरमीतने ही गुड न्यूज शेअर करत सोशल मीडियावर चाहते आणि कलाकार मित्रांकडून या जोडप्यावर शुभेच्छांचा वर्षाव होत आहे.

देबिना आणि गुरमीत सर्वात सुंदर जोडप्यांपैकी एक आहे. त्यांची केमिस्ट्री चाहत्यांना फारच पसंत पडते.

या दोघांनी २०११ मध्ये लग्न केलं होतं. लग्नाच्या तब्बल ११ वर्षांनंतर त्यांनी गुड न्यूज दिली आहे.

प्रसिद्ध मालिका 'रामायण' च्या सेटवर हे दोघे एकमेकांच्या प्रेमात पडले होते.

यामध्ये त्यांनी राम आणि सीताची भूमिका साकारली होती.