'लक्ष्मी बॉम्ब'च नाही तर विवादामुळे 'या' चित्रपटांच्या नावात केला बदल

अक्षयकुमार आपल्या आगामी सिनेमा लक्ष्मीमुळे खूप चर्चेत आहे. सुरुवातीला हा सिनेमा लक्ष्मी बॉम्ब या नावाने प्रदर्शित करण्यात येणार होता. पण या नावाला विरोध झाल्यानंतर त्याचं नाव आता लक्ष्मी ठेवण्यात आलं आहे. सिनेमाच्या टायटलमुळे हिंदूंच्या भावना दुखवणारं असल्याचं म्हटलं जात आहे त्यामुळे त्याचं नाव बदललं आहे. सिनेमाच्या नावांना विरोध होण्याची ही पहिली वेळ नाही. याआधी देखील विरोध झालेल्या चित्रपटांची आज आपण माहिती घेणार आहोत.

जजमेंटल है क्या कंगना राणावत आणि राजकुमार राव यांच्या या सिनेमाचं नाव आधी मेंटल है क्या असं होते. पण इंडियन साइकॅट्रिक सोसायटीने यावर आक्षेप घेतल्यानंतर सिनेमाचं नाव जजमेंटल है क्या असे ठेवण्यात आले.

पद्मावत रणवीर सिंग, दीपिका पदुकोण आणि शाहिद कपूर यांची भूमिका असलेल्या संजय भन्साळी यांच्या या चित्रपटालादेखील मोठा विरोध झाला होता. करणी सेनेने या सिनेमाच्या नावाला विरोध केल्यानंतर त्याचे नाव पद्मावतीवरून पद्मावत करण्यात आले होते.

गोलियों की रासलीला राम-लीला रणवीरसिंग आणि दीपिका पदुकोण यांच्या या सिनेमाचं नाव आधी रामलीला ठेवण्यात आलं होतं. पण वाद झाल्यानंतर त्याचे नाव बदलण्यात आलं होतं.

लव यात्री लव यात्री या सिनेमाचं नावदेखील बदललं होतं. सलमान खानची बहीण अर्पिता हिचा नवरा आयुष्य शर्मा याच्या सिनेमाचं नाव आधी लव रात्री होतं. पण याला विरोध झाल्यानंतर त्याचं नाव लव यात्री करण्यात आलं होतं.

सिंह साब द ग्रेट सनी देओल अभिनित या सिनेमाचं नाव आधी सिंह साहिब द ग्रेट ठेवण्यात आले होतं. पण अकाली तख्तने याला विरोध दर्शवल्यानंतर त्याचे नाव सिंह साब द ग्रेट ठेवण्यात आलं.

अक्षय कुमार याच्या लक्ष्मी बॉम्ब सिनेमाच्या नावावरदेखील आक्षेप घेतला गेला होता. त्यानंतर या सिनेमातून बॉम्ब हा शब्द हटवण्यात आला असून, या सिनेमाचे नाव लक्ष्मी बॉम्बवरून लक्ष्मी ठेवण्यात आलं आहे.