#FitnessFunda : योगामुळे भार्गवी चिरमुलेला असा झाला फायदा

मी योगा करते. योगामुळे उत्तम आरोग्य राहते. बारीक, जाड होणं हे बरेचदा जेनेटिक असतं. पण आरोग्य चांगलं असणं महत्त्वाचं.

तुमची शारीरिक, मानसिक स्थिती चांगली राहते ती योगामुळेच.

मी शाकाहारी आहे. मिळेल तिथे भाजी-भाकरी खाते. खाण्याच्या वेळा मी पाळते.

जिथे जे पिकतं ते खाणं महत्त्वाचं. किवी खाण्यापेक्षा केळं खा. त्यात प्रोटिन्स असतात. मँगो आइसक्रीम खाण्यापेक्षा मी आंबा खाणं पसंत करते.

मी नियमित योगासनं करते. पूर्वी मी योगा शिकवायलाही जायचे. योगामुळे श्वासाचा व्यायाम होतो. आपण अनेकदा श्वासाला फार गृहित धरलं असतं. मी प्राणायाम करते.

कुठलीही आसनं, कुठलाही व्यायाम केलात तर तुम्ही तुमचं शरीर ओळखायला लागता.

फिटनेस आणि डाएट म्हणजे बारीक होणं, उपाशी राहणं नव्हे.