Rapper Raftaar Divorce:मनोरंजनसृष्टीत घटस्फोटाचं सत्र सुरुच, रॅपर रफ्तार पत्नीपासून होणार विभक्त

बॉलिवूड असो की टीव्ही इंडस्ट्री अनेक सेलिब्रेटी जोडप्यांच्या नात्यांची समीकरणे बिघडलेली समोर येत आहेत.

सोहेल खान-सीमा खान, राजीव सेन-चारू असोपानंतर आता प्रसिद्ध रॅपर रफ्तार सिंह आणि पत्नी कोमल वोहराच्या नात्यात फूट पडल्याचं दिसत आहे.

रॅपर रफ्तारने 2016 मध्ये कोमल वोहरासोबत लग्न केलं होतं. लग्नामुळे हे दोघे चर्चेत आले होते.

लग्नाच्या तब्बल 6 वर्षांनंतर या दोघांनी घटस्फोटाचा निर्णय घेतला आहे. त्यांच्या या निर्णयाने चाहत्यांना मात्र धक्का बसला आहे.

2020 मध्ये त्यांनी घटस्फोटासाठी अर्ज दाखल केला होता. पण कोरोनामुळे दोघांचा घटस्फोट होऊ शकला नाही.

गेल्या अनेक दिवसांपासून रफ्तार आणि कोमल विभक्त राहात आहेत.

कोमल वोहरा ही छोट्या पडद्यावरील प्रसिद्ध अभिनेता करण वोहराची बहीण आहे.

हिंदुस्थान टाईम्सच्या रिपोर्टनुसार, हे दोघेही आता आपापल्या आयुष्यात पुढे निघून गेले आहेत. दरम्यान आता 6 ऑक्टोबर 2022 रोजी हे दोघे आपल्या घटस्फोटाच्या कागदपत्रांवर स्वाक्षरी करणार आहेत.