Ram Charan Birthday: 5 वर्षाचं भांडण प्रेमात बदललं; वाचा रामचरण आणि पत्नी उपासनाची Lovestory

RRR मुळे सध्या चर्चेत असलेला साउथ सुपरस्टार अभिनेता राम चरण आज 37 वा वाढदिवस (Ram charan Birthday Celebration) साजरा करत आहे. त्याचा जन्म 27 मार्च 1985 रोजी चेन्नई येथे झाला होता. रामचरण आणि पत्नी उपासनाची जोडी चाहत्यांच्या आवडत्या कपल्सपैकी एक आहे.

त्यांची लव्हस्टोरी फारच फिल्मी आहे. त्यांची लव्हस्टोरी वादविवादातुन सुरू झाली होती. आणि हा वादविवाद सुमारे 5 वर्षे चालला होता. त्यांनतर त्यांची जोडी कशी जमली याबद्दल आपण जाणून घेऊया.

मीडिया रिपोर्टनुसार, दोघांच्या लव्हस्टोरीची सुरुवात भांडणापासून झाली होती. आणि हे भांडण सुमारे 5 वर्षे चाललं. त्यानंतर त्यांना एकमेकांवरील प्रेमाची जाणीव झाली होती.

लॉन्ग रिलेशनशिपनंतर राम चरण आणि उपासना यांचं लग्न 14 जून 2021 रोजी झालं होतं. त्यांचं लग्न हैदराबादमध्ये पार पडलं होतं. असं म्हटलं जातं की, राम चरण जेव्हा परदेशात शिक्षणासाठी गेला होता, तेव्हा त्या दोघांमध्ये प्रेमाची जाणीव झाली होती. 'मगधीरा' चित्रपटानंतर दोघेही लग्नासाठी गंभीर झाले होते.

यानंतर राम चरण आणि उपासना कोनिडेला यांनी कुटुंबातील सदस्यांसोबतच्या त्यांच्या नात्याबद्दल सांगितलं होतं आणि त्यानंतर दोघांनी लग्नाची तयारी केली होती.

अभिनेता कोणत्याही कार्यक्रमाला जातो तेव्हा तो त्याच्या पत्नीला सोबत घेऊन जातो. मात्र, रामला त्याच्या खाजगी आयुष्याबद्दल बोलायला आवडत नाही. पण त्यांच्यातील केमिस्ट्री स्पष्टपणे दिसून येते.

राम चरण आणि प्रियांका चोप्रा यांच्यातही अफेअर होतं असं म्हटलं जातं. 'जंजीर' चित्रपटातच्या सेटवर हे दोघे एकमेकांच्या जवळ आले होते. परंतु अभिनेत्याने या गोष्टी धुडकावून लावल्या होत्या.

राम चरणच्या कामाबद्दल बोलायचं झालं तर, तर त्याचा बहुचर्चित चित्रपट 'RRR' शुक्रवार 25 मार्च रोजी प्रदर्शित झाला आहे. या चित्रपटाने जबरदस्त ओपनिंग केली आहे. चित्रपटसृष्टीच्या इतिहासातील सर्वात मोठा ओपनिंग करणारा चित्रपट म्हणून याचं वर्णन केलं जात आहे.