'या' कलाकारांसाठी यंदाची दिवाळी आहे खूपच खास; पालक म्हणून पहिल्यांदाच साजरा करणार दीपोत्सव

चारू असोपा-राजीव सेन- बॉलिवूड अभिनेत्री सुष्मिता सेनची वहिनी आणि टीव्ही अभिनेत्री चारू असोपा हिने 1 नोव्हेंबर रोजी पहिल्या अपत्याला जन्म दिला. तिने एका गोंडस मुलीला जन्म दिला आहे. आता हे जोडपं त्यांच्या मुलीसोबत पहिली दिवाळी साजरी करणार आहे.

कपिल शर्मा-गिन्नी चतरथ- कपिल शर्माची पत्नी गिन्नी चतरथने त्यांच्या दुसऱ्या मुलाला त्रिशानला जन्म दिला आहे. आपल्या मुलासह या दाम्पत्याची ही पहिलीच दिवाळी असेल.यापूर्वी त्यांना एक मुलगी आहे.

शाहीर शेख-रुचिका कपूर- टीव्ही अभिनेता शाहीर शेख आणि 'कुछ रंग प्यार के ऐसे भी' फेम रुचिका कपूर देखील पालक म्हणून त्यांची पहिली दिवाळी साजरी करत आहेत. सोबतच पती-पत्नी म्हणून त्यांची ही पहिलीच दिवाळी आहे.

मोहित मलिक-अदिती- 'कुल्फी कुमार बाजेवाला' फेम अभिनेता मोहित मलिक आणि आदिती या वर्षी एप्रिलमध्ये आई-वडील झाले होते. दोघांनी ही गोड बातमी सोशल मीडियावर जाहीर केली होती. म्हणजेच मोहित मलिक आणि आदितीसाठीही ही दिवाळी खूप खास असणार आहे.

नेहा धुपिया-अंगद बेदी- बॉलीवूड अभिनेत्री आणि रोडीज जज नेहा धुपिया आणि अंगद बेदी यांनी अलीकडेच त्यांच्या दुसऱ्या मुलाचं कुटुंबात स्वागत केलं आहे. दुसऱ्या अपत्यासोबत ही त्यांची पहिली दिवाळी असेल.

अनिता हसनंदानी-रोहित रेड्डी- टीव्ही जगतातील सर्वात प्रसिद्ध जोडपे अनिता हसनंदानी आणि रोहित रेड्डी त्यांच्या मुलासोबत पहिली दिवाळी साजरी करणार आहेत. अनिताने यावर्षी फेब्रुवारी महिन्यात मुलगा आरवला जन्म दिला होता.

नकुल मेहता आणि जानकी- नकुल मेहता आणि जानकीही आई-वडील म्हणून पहिली दिवाळी साजरी करणार आहेत. जानकीने या वर्षी मुलाला जन्म दिला, जो आता 8 महिन्यांचा आहे.