Deepika Padukone आपल्या बॅगेत ठेवते या खास गोष्टी, तुमचाही बसणार नाही विश्वास!

दीपिका पदुकोण ही बॉलिवूडमधील टॉप अभिनेत्रींपैकी एक आहे, जी अतिशय बिनधास्तपणे लोकांसमोर वावरते आणि तिचं मत मांडते. त्यामुळे लोक सहज प्रभावित होतात. पुन्हा एकदा असंच काहीसं दीपिका आणि 'वोग इंडिया' (Vogue India) मॅगझिनमधील संभाषणात पाहायला मिळालं. (सर्व फोटो सौजन्य : इंस्टाग्राम @deepikapadukone)

'वोग इंडिया'शी बोलताना दीपिकानं सांगितलं की ती तिचा थकवा कसा दूर करते आणि कोणत्या खास गोष्टी ती तिच्या बॅगेत ठेवते.

(What is in Deepika Padukone's bag)या प्रश्नाचं उत्तर देताना दीपिका म्हणाली की, हँगओव्हरपासून मुक्त होण्यासाठी ती तिच्या बॅगेत एक खास औषध ठेवते, ज्याचे नाव आहे 'अल्का सेल्टझर' (Alka Seltzer).

'अल्का सेल्त्झर' या औषधाबद्दल सांगताना दीपिका म्हणते की, हे औषध डोकेदुखी, अंगदुखी, थकवा आदी हँगओव्हरच्या लक्षणांपासून आराम देण्यास मदत करतं.

पुढे मुलाखतीत, दीपिकाने आणखी काही सीक्रेट गोष्टी सांगितल्या. ती म्हणाली की, ती तिच्या बॅगेत माऊथ फ्रेशनर, पेन्सिल-डायरी, सेफ्टी पिन आणि बँडेज पट्टीदेखील ठेवते. या सर्व गोष्टी तिच्यासाठी खूप महत्त्वाच्या आहेत.

दीपिका पदुकोणचे हे खुलासे तिच्या चाहत्यांसाठी खूपच खास आहेत. दीपिकाला देखील नैराश्याचा सामना करावा लागला होता. आता तिने तिच्या जीवनातील तो वाईट टप्पा पार केला आहे आणि आता ती खूप पुढे गेली आहे. दीपिकाचा हा गुण आहे की, ती आयुष्याच्या प्रत्येक क्षणाचा आनंद घेते. ती आता तिच्या यशस्वी कारकिर्दीसह पती रणवीर सिंगसोबत सुखी वैवाहिक जीवनाचा आनंद घेत आहे.

दीपिकाला बॉलीवूड चित्रपटसृष्टीतील सर्वाधिक मानधन घेणारी अभिनेत्री मानलं जातं. तिचं नाव सर्वाधिक मानधन घेणाऱ्या अभिनेत्रींमध्ये आहे. रिपोर्टनुसार, पद्मावत चित्रपटानंतर ती आता एका चित्रपटासाठी जवळपास 15-16 कोटी रुपये घेते.

दीपिका कोणत्याही जाहिरातीसाठी 8-10 कोटी रुपये घेते, असंही मीडिया रिपोर्ट्समध्ये म्हटलं आहे. आपल्या कमाईमुळे दीपिकाचं नाव फोर्ब्स 2019 सेलिब्रिटींच्या यादीत 10 व्या स्थानावर होतं. तर, 2018 मध्ये दीपिका चौथ्या स्थानावर होती.

दीपिका पदुकोण तिच्या स्टायलिश ड्रेस आणि फॅशनसाठी ओळखली जाते. ती अनेकदा तिच्या इंस्टाग्रामवर तिचे एक से एक फोटो शेअर करून तिच्या चाहत्यांची मनं जिंकते.

आता दीपिकाच्या आगामी चित्रपटांबद्दल बोलायचं झालं तर, ती हृतिक रोशनसोबत फायटरमध्ये दिसणार आहे. या चित्रपटात ती पहिल्यांदाच अॅक्शन करताना दिसणार आहे. यानंतर ती शाहरुख खानच्या पठाण या चित्रपटात मुख्य भूमिकेत दिसणार आहे. दीपिका शेवटची रणवीर सिंगच्या 83 चित्रपटात दिसली होती.