ACP दिव्याची होणार 'देवमाणूस 2' मध्ये एन्ट्री? अभिनेत्रीच्या 'त्या' पोस्टमुळे होतेय चर्चा

झी मराठी (Zee Marathi) वरील मालिका ‘देवमाणूस’ (Devmanus) मधून घराघरात पोहोचलेली एसीपी दिव्या सिंग (Divya Singh) म्हणजेच अभिनेत्री नेहा खान होय.

'देवमाणूस' या मालिकेच्या पहिल्या भागात दिव्या बनून नेहाने चाहत्यांना भुरळ घातली होती. '

सध्या मालिकेचा दुसरा भाग प्रेक्षकांच्या भेटीला आला आहे. या भागातसुद्धा सर्वच जुने कलाकार पाहायला मिळत आहेत.

मात्र या भागात अजूनही नेहा खानची एन्ट्री झालेली नाही. त्यामुळे ती मालिकेत कधी येणार किंवा येणार की नाही याची उत्सुकता लागली आहे.

नुकतंच नेहाने खाकी वर्दीतील आपला एक फोटो इन्स्टाग्रामवर शेअर केला आहे. हा फोटो पाहून ती पुन्हा देवमाणूसमध्ये परतणार आहे का? असा प्रश्न चाहत्यांना पडला आहे.

मात्र आम्ही तुम्हाला सांगू इच्छितो अभिनेत्रीचा हा लुक तिची आगामी वेबसीरिज 'सायबर वार' मधील आहे. जो आजपासून वूटवर पाहायला मिळणार आहे.

त्यामुळे नेहा सध्या तर मालिकेत परतणार नाही हे निश्चित आहे.

नेहा खानला चाहते या मालिकेच्या दुसऱ्या भागात प्रचंड मिस करताना दिसून येतात.