Bollywood च्या 7 'हसीना' ज्या एका सिनेमातून कमावतात कोट्यवधी, नंबर 1 ला आहे ही अभिनेत्री

बॉलिवूडमधील कलाकार किती मानधन घेतात हा नेहमीच चर्चेचा विषय राहिला आहे. एक काळ असा होता जेव्हा अभिनेत्रींना अभिनेत्यांपेक्षा कमी मानधन मिळत असे. पण आता त्यात हळूहळू बदल होत आहे. अनेक स्त्री केंद्रीत सिनेमांनी बॉक्स ऑफिसवर चांगला गल्ला मिळवला आहे. बी-टाउनच्या या 'हसीना' अॅक्शन, स्टंट, स्टारडम आणि तगडी फीज यामध्ये अभिनेत्यांना टक्कर देत आहेत.

बॉलिवूडमध्ये 'पद्मावत', 'राम लीला', 'बाजीराव मस्तानी' यासारख्या बॉक्स ऑफिसवर चांगली कमाई करणाऱ्या सिनेमात मुख्य भूमिका दीपिकाची होती. ओम शांती ओममधून पदार्पण केलेली दीपिका पादुकोण ही अभिनेत्री आजची एक टॉप अभिनेत्री मानली जाते. रिपोर्ट्सनुसार, दीपिका प्रति फिल्म 15 ते 30 कोटी रुपये चार्ज करते. दीपिका सध्याच्या घडीची सर्वात महागडी अभिनेत्री आहे.

बॉलिवूडची 'पंगा गर्ल' कंगना रणौत एक यशस्वी अभिनेत्री आहे. ती देखील या यादीमध्ये आहे. कंगनाने तिचा अलीकडेच आलेला सिनेमा थलायवी याकरता 27 कोटींचे शुल्क घेतल्याचे वृत्त समोर आले होते.

प्रियंका चोप्रा हे नाव बॉलिवूडच नाही तर आता हॉलिवूडमध्येही प्रसिद्ध आहे. आज ती ग्लोबल स्टार बनली आहे. रिपोर्ट्सनुसार बॉलिवूडमधील पुढील प्रोजेक्ट्ससाठी फीज म्हणून तिने 15 कोटी ते 25 कोटी रुपयांदरम्यान मानधन घेतलं आहे

आलिया भट्टचा 'गंगूबाई काठियावाडी' सध्या कोट्यवधींची कमाई करत आहे. अल्पावधीच तिची गणना बॉलिवूडमध्ये सर्वाधिक फीज घेणाऱ्या अभिनेत्रींमध्ये होत आहे. अशी माहिती समोर आली आहे की, ती एका फिल्मसाठी 23 कोटी रुपये आकारते

कतरिना गेल्या अनेक वर्षांपासून बॉलिवूडवर अधिराज्य करत आहे. अक्षय कुमार-सलमान खानसह तिने अनेक सुपरहिट फिल्म्स केल्या आहेत. रिपोर्ट्सनुसार ती एका चित्रपटासाठी 12 ते 25 कोटी रुपयांचं मानधन घेते

अनुष्का शर्माने बॉलिवूडमध्ये फीमेल अॅक्ट्रेसना मिळणाऱ्या फीजबाबत अनेकदा भाष्य केले आहे. 'झिरो' नंतर ती मोठ्या पडद्यावर दिसली नाही आहे. पण आई झाल्यानंतर ती स्पोर्ट्स ड्रामा 'चकदा एक्सप्रेस'मधून कमबॅक करणार आहे. मिळालेल्या माहितीनुसार ती प्रति फिल्म 7 ते 10 कोटी रुपये मानधन घेते

बॉलिवूडची 'बेबो' म्हणजेच करीना कपूर खान इंडस्ट्रीत तिच्या दमदार अभिनयासाठी ओळखली जाते. मुलगा जेहच्या जन्मापासून ती चित्रपटांपासून दूर आहे. अलीकडेच तिने एका चित्रपटात सीतेची भूमिका करण्यासाठी तिने 12 कोटी रुपये चार्ज केल्याचे वृत्त समोर आले होते. याबाबत अधिकृत शिक्कामोर्तब झाले नसले तरी तिच्या लोकप्रियतेमुळे ती बॉलिवूडमधील सर्वाधिक मानधन घेणाऱ्या अभिनेत्रींपैकी एक आहे