दीपिका-रणवीरच्या पहिल्या रिसेप्शन पार्टीसाठी बॉलिवूडला आमंत्रण नाही

बॉलिवूडचं प्रसिद्ध जोडपं नुकत्याच लग्न बंधनात अडकले आहेत. लग्नानंतर दोघांच्याही चेहऱ्यावर आनंद खुलून दिसतोय. इटलीमध्ये लग्न सभारंभ संपन्न झाल्यावर आता पार्टीसाठी रवाना होताना मुंबई एअरपोर्टवर दिसले आहेत.

21 नोव्हेंबरला (उद्या) रणवीर-दीपिकाच्या लग्नाचं पहिलं रिसेप्शन असणार आहे. बंगळुरूमध्ये होणाऱ्या रिसेप्शनची तयारी अनेक दिवसांपासून सुरू होती. अखेर ते आज बंगळुरूला जाण्यासाठी तयार झाले आहेत.

रणवीर सिंग आणि दीपिका पदुकोण यांची कपड्यांची स्टाईल वेगळीच आहे. त्यांच्या लग्नापासून त्यांच्या कपड्यांचे रंग एकसारखे आहेत. यावेळीही दोघे सफेद कपड्यांमध्ये फार सुंदर दिसत होते.

मुंबई एअरपोर्टवर दोघेही कॅमेऱ्यात कैद झाले होते. यावेळी या नव्या जोडप्याला पाहण्यासाठी लोकांनी गर्दी केली होती. मुंबई एअरपोर्टवर दोघेही कॅमेऱ्यात कैद झाले होते. यावेळी या नव्या जोडप्याला पाहण्यासाठी लोकांनी गर्दी केली होती.

बंगळुरूमध्ये होणाऱ्या पहिल्या रिसेप्शन पार्टीसाठी बॉलिवूडला पुन्हा दीपिका-रणवीरने दुर्लक्षित केलं आहे. या पार्टीमध्ये बॉलिवूडचा एकही कलाकार दिसणार नाही. लग्नात हिंदी सिनेसृष्टीतील कलाकारांना आमंत्रण दिलं नव्हतं. पण आता रिसेप्शन पार्टीपासून देखील बॉलिवूडला वंचित ठेवण्यात आलं आहे.

लग्नानंतर होणाऱ्या पहिल्या रिसेप्शन पार्टीसाठी रणवीर दीपिकाचं कुटुंब आणि नातेवाईकांना आमंत्रण देण्यात आलं आहे. त्याचबरोबर या पार्टीत दीपिका रणवीरचे जवळचे मित्र मैत्रिणी देखील उपस्थित असतील अशी माहिती मिळाली आहे.